Kung nagkakaroon ka ng problema sa pag-login, maaaring pansamantala lang ito, kaya pakisubukan ulit sa ibang pagkakataon.
Kung magpatuloy ang problemang ito, may ilang bagay na maaari mong gawin. Una, siguraduhin na ang latest version ng Tinder ang gamit mo.
Sa iPhone:
Subukang i-force quit ang app: i-double tap ang Home button, i-swipe up ang Tinder para i-force quit ang app, at subukang buksan ulit ito. Siguraduhing nag-sign in ka gamit ang tamang Facebook account sa Facebook app at sa iOS settings ng phone mo.
Sa Android:
Subukang i-force quit ang app: pumunta sa "Settings", hanapin ang "Apps", piliin ang Tinder, i-tap ang "Force quit", at subukang buksan ulit ang Tinder. Kung hindi nito maayos ang problema, pumunta sa phone settings, hanapin ang "Apps", piliin ang Tinder, piliin ang "Storage", at i-tap ang "Clear data".
Sa Tinder for web (Tinder.com):
Siguraduhing nag-sign in ka gamit ang tamang phone number o Facebook profile na nakakabit sa Tinder account mo. Maaari mo ring subukang i-clear ang iyong browser cache bago mo subukang mag-login ulit.