AVISO: Imos retirar Tinder SELECT. Se es membro de SELECT, recibirás un correo electrónico e unha mensaxe na aplicación sobre este cambio. Para aquelas persoas que non son membros, as solicitudes de ingreso xa non están dispoñibles.

Que é Tinder SELECT?

SELECT é un club exclusivo de Tinder que che dá acceso privilexiado ao mellor de Tinder.

Con Tinder SELECT, podes ter as seguintes vantaxes:

• Mensaxes directas: podes enviarlle unha mensaxe a alguén, sen ter que coincidir primeiro, ata 2 veces por semana. Ten en conta que só podes enviar unha mensaxe directa mediante a sección «Gústasme enviados», non podes enviar un «Gústasme moito» ao mesmo tempo e pode que algúns usuarios decidisen non recibir mensaxes directas.
• Salta a cola: as persoas que che gustan verán o teu perfil sen esfumar na sección Gústaslles, aínda que non teñan unha subscrición de Tinder Gold ou Platinum. O teu perfil manterase destacado na súa sección de Gústaslles durante 7 días.
• Status especial: presume do club cunha insignia exclusiva de SELECT. Se non queres amosala no teu perfil, podes escoller non facelo na Configuración.
• Modo SELECT: descubre e deixa que as persoas máis desexadas de Tinder tamén te descubran para gozar de conexións excepcionais.
• Experiencia VIP: as prazas do club están limitadas a menos do 1 % dos usuarios, polo que a experiencia é o máis exclusiva posible.

Tamén poderás ocultar os anuncios e ver os «Gústasme» que enviaches nos últimos 7 días. Aviso: As vantaxes de SELECT só están dispoñibles na aplicación de Tinder, non en Tinder.com.

Poderás combinar Tinder SELECT cunha subscrición de Tinder Plus®, Gold™ ou Platinum™ para aproveitar ao máximo a túa experiencia en Tinder. 

Aviso: A diferenza das outras subscricións, a de SELECT non se pode restaurar nunha conta diferente.