სისტემაში ვერ შევდივარ

ახალი მობილურის ნომერი მაქვს

თუ შენს ანგარიშზე მობილურის ნომრის შეცვლის გამო ვერ შედიხარ, წვდომის მისაღებად ანგარიშის აღდგენა გამოიყენე: 

1. გახსენი Tinder აპი ან ეწვიე Tinder.com-ს
2. აირჩიე შესვლა
3. აირჩიე შესვლას ვერ ახერხებ?
4. შეიყვანე შენი ელ-ფოსტის მისამართი, რათა შესასვლელად ბმული გამოგიგზავნოთ 
5. გახსენი ელ-ფოსტა და აირჩიე შესვლა
6. შეიყვანე და დაადასტურე შენი ახალი მობილურის ნომერი

ამის შემდეგ შეძლებ, შენს Tinder ანგარიშზე შენი ახალი ნომრის გამოყენებით შეხვიდე! 

შენიშვნა: ანგარიშის აღდგენა იმუშავებს მხოლოდ იმ შემთხვევაში, თუ იმ ელ-ფოსტის მისამართზე გაქვს წვდომა, რომლითაც დარეგისტრირდი. უსაფრთხოების მიზნებისთვის, თუ ამ ელ-ფოსტის მისამართზე ვერ შედიხარ, ანგარიშზე წვდომას ვერ მოგცემთ. 

შესვლისას თეთრი ან ნარინჯისფერი ეკრანი

თუ Android-ით Tinder აპის გახსნისას ცარიელ, თეთრ ან ნარინჯისფერ ეკრანს ხედავ, Tinder ლოგოთი, გთხოვთ, აპი წაშალო და თავიდან გადმოიწერო. ეს უზრუნველყოფს, რომ Tinder-ის უახლესი ვერსია გქონდეს, რომელშიც მეტი შეცდომაა გამოსწორებული.

თუ ეს არ იმუშავებს, პრობლემის გადასაჭრელად ქვემოთ მოცემულ ნაბიჯებს მიჰყევი:

1. შენს Android მოწყობილობაზე ვებ ბრაუზერი გახსენი
2. ეწვიე Tinder.com-ს და აირჩიე შესვლა
3. აირჩიე შესვლას ვერ ახერხებ?
4. შეიყვანე შენი ელ-ფოსტის მისამართი, რათა შესასვლელად ბმული გამოგიგზავნოთ
5. გახსენი ელ-ფოსტა და აირჩიე შესვლა— ეს Tinder აპს გახსნის
6. შესვლის პროცესის დასასრულებლად აპში შენი მობილურის ნომერი დაადასტურე

სისტემაში წარმატებით შესვლის შემდეგ Tinder აპის ყოველგვარი პრობლემების გარეშე გამოყენება უნდა შეძლო.

შეცდომის კოდს ან შეტყობინებას მიჩვენებს

პრობლემის მოგვარების ეს რჩევები შესვლის ზოგადი ხარვეზების აღმოფხვრაში დაგეხმარება: 

• შეამოწმე შენი ინტერნეტ კავშირი ან სცადე Wi-Fi-დან მობილურის ინტერნეტზე გადართვა 
• წაშალე და თავიდან გადმოწერე აპი, რომ Tinder-ის უახლესი ვერსია გქონდეს 
• გამოიყენე Tinder.com ვებზე დასასვაიპებლად  

კიდევ გჭირდება დახმარება? დაგვიკავშირდი და დეტალურად აღწერე ეს საკითხი, რათა ის განვიხილოთ. გვინდა ვიცოდეთ, თუ რაიმე პრობლემაა!