Жазылымдардан немесе мүшеліктерден бас тартқанға дейін, олардың мерзімі автоматты түрде ұзара береді. Tinder қолданбасын немесе Tinder аккаунтты жойғанымен, жазылымыңыз немесе мүшелігіңіз тоқтатылмайды. Одан бас тарту үшін төмендегі қадамдарды орындаңыз.
iOS
Тапсырысыңыздың нөмірі MK деп бастала ма? Ол iOS жүйесіне арналған Tinder қолданбасы арқылы сатып алғаныңызды және Apple сізге төлем ұсынғандығын білдіреді.
iPhone арқылы бас тарту үшін:
- iPhone параметрлері бөлімін ашыңыз
- Аты-жөніңізді басып, содан кейін Жазылымдар түймесін түртіңіз
- Тоқтатқыңыз келетін жазылымды немесе мүшелікті таңдаңыз
- Жазылымнан бас тарту түймесін басыңыз
Бас тартуға қатысты басқа да нұсқаулар немесе көмек керек болса, Apple қолдау көрсету қызметін қараңыз.
Android
Тапсырысыңыздың нөмірі GPA деп бастала ма?Ол Android жүйесіне арналған Tinder қолданбасы арқылы сатып алғаныңызды және Google Play дүкені сізге төлем ұсынғандығын білдіреді.
Android телефоны арқылы бас тарту үшін:
- Google Play қолданбасын ашыңыз
- Жоғарғы оң жақта профиль белгішесін түртіңіз
- Төлемдер мен жазылымдар опциясын, содан кейін Жазылымдар түймесін түртіңіз
- Тоқтатқыңыз келетін жазылымды таңдаңыз
- Жазылымнан бас тарту түймесін басыңыз
Қиындық туындап жатыр ма? Қосымша анықтама алу үшін Google Play қолдау орталығына хабарласыңыз.
Android немесе Paypal жүйесінде тікелей несие картасымен сатып алған болсаңыз:
- Android-қа арналған Tinder қолданбасын ашыңыз
- Профиль белгішесін түртіңіз
- Төлем шотын басқару опциясын таңдаңыз
- Тоқтатқыңыз келетін жазылымды немесе мүшелікті тауып алыңыз
- Жазылымнан немесе Мүшеліктен бас тарту түймесін басыңыз
Tinder Online (Tinder.com)
Тапсырысыңыздың нөмірі TNDR деп бастала ма? Демек тікелей несиелік картамен төлеу опциясын пайдаланып, Tinder.com веб-сайты немесе Android жүйесіне арналған Tinder қолданбасы арқылы сатып алғансыз.
Жазылымнан бас тарту үшін:
- Tinder.com веб-сайтын ашып, аккаунтыңызға кіріңіз
- Профиль белгішесін түртіңіз
- Төлем шотын басқару опциясын таңдаңыз
- Тоқтатқыңыз келетін жазылымды немесе мүшелікті тауып алыңыз
- Жазылымнан немесе Мүшеліктен бас тарту түймесін басыңыз
Техникалық ақау шығып жатыр ма? Бізге хабарласып, тап болған ақау туралы мәліметті айтыңыз, сонда сізге көмектесе аламыз.
Бас тарту туралы жалпы ескертпелер
Жазылымыңыздан немесе мүшеліктен бас тартқан соң, төленіп қойған қалған күндерін пайдалана аласыз. Жазылымнан немесе мүшеліктен бас тартқанда, оның ақшасы қайтарылмайды және бұған дейін төлеген ақы бас тартқан күн негізінде қайта есептелмейді. Егер сізде бірнеше жазылым/мүшелік болса, әрқайсысының жаңаратын күні болады және оның әрқайсысынан жеке-жеке бас тарту керек.