Tinder မှာ တစ်စုံတစ်ယောက်ကို မမြင်ရအောင် လုပ်လိုပါသလား။ အဆက်အသွယ်များကို ဘလော့ခ်ရန် လုပ်ဆောင်ချက်မှတစ်ဆင့် ဘလော့ခ်လုပ်နိုင်ပါသည်။ သင့်စက်ရှိ အဆက်အသွယ်စာရင်းကို Tinder သို့ မျှဝေပေးပြီး ဘလော့ခ်လုပ်လိုသည့် အဆက်အသွယ်ကို ရွေးလိုက်သည်နှင့် သင်တို့ချင်း အပြန်အလှန် မမြင်ရအောင် အတတ်နိုင်ဆုံး ဆောင်ရွက်ပေးပါမည်။

ဤဖော်ပြချက်တွင် လိုအပ်သော အချက်အလက်များ ပါဝင်ပါသည်-

အဆက်အသွယ်တစ်ဦးကို ဘလော့ခ်ခြင်း

အဆက်အသွယ်များကို ဘလော့ခ်ဖြေခြင်းနှင့် ချိတ်ဆက်မှု ဖြုတ်ခြင်း

သင့်အဆက်အသွယ်စာရင်းကို Tinder က စီမံဆောင်ရွက်ပုံ

ဤလုပ်ဆောင်ချက်အတွက် အရေးကြီးသည့် သတိပြုရန်အချက်များ-

• အဆက်အသွယ်တစ်ဦးကို ဘလော့ခ်လုပ်လိုက်လျှင် ထိုသူကို ဘလော့ခ်လုပ်ခံရကြောင်း အသိပေးမည် မဟုတ်ပါ
• Tinder အကောင့် မရှိသူများကိုလည်း ကြိုတင် ဘလော့ခ်လုပ်ထားနိုင်သည်
• အဆက်အသွယ်များကို ဘလော့ခ်လုပ်ခြင်းကြောင့် သင်နှင့် လက်ရှိ စုံတွဲဖြစ်နေသူများ သို့မဟုတ် မက်ဆေ့ချ်များအပေါ် မည်သို့မျှ သက်ရောက်မှုရှိမည် မဟုတ်ပါ
• ဘလော့ခ်လုပ်ခံရသူသည် ၎င်းအား သင် ဘလော့ခ်စဉ်က အချက်အလက် မဟုတ်ဘဲ အခြားအချက်အလက်များ သုံးပြီး အကောင့်သစ် ဖွင့်လာပါက သင်တို့ချင်း အပြန်အလှန် မမြင်တွေ့နိုင်အောင် ဆောင်ရွက်ပေးနိုင်မည် မဟုတ်ပါ
• အဆက်အသွယ်များကို ဘလော့ခ်ရန် လုပ်ဆောင်ချက်အတွက် အဆက်အသွယ်အချက်အလက်များ မျှဝေခြင်းကို သင့် Tinder ဆက်တင်၌ ပိတ်နိုင်ပါသည်
• သင်၏ အဆက်အသွယ်များကို ရယူသုံးစွဲခွင့် မပေးလိုပါက သင့်စိတ်ကြိုက် ကိုယ်တိုင် ဖြည့်သွင်းပေးနိုင်ပါသည်

အဆက်အသွယ်တစ်ဦးကို ဘလော့ခ်ခြင်း 

တစ်စုံတစ်ဦးကို ဘလော့ခ်လုပ်ရန်အတွက် မိမိ၏ အဆက်အသွယ်များကို Tinder အား မည်သို့မျှဝေပေးရမည်နည်း။

လွယ်လွယ်လေးပါ။ သင့်စက်ထဲရှိ အဆက်အသွယ်စာရင်းကို Tinder ထံ မျှဝေပေးပြီးနောက် သင် ဘလော့ခ်လုပ်လိုသော အဆက်အသွယ်များကို ရွေးပါ-

1. Tinder ကို ဖွင့်ပြီး ပရိုဖိုင် အိုင်ကွန်ကို နှိပ်ပါ
2. "ဆက်တင်" သို့ သွားပါ
3. Scroll ဆွဲပြီး "အဆက်အသွယ်များကို ဘလော့ခ်ရန်" အား ရွေးပါ
4. Tinder ကို သင့်အဆက်အသွယ်များ စာရင်း သုံးခွင့်ပေးပါ
5. သင့်အဆက်အသွယ်စာရင်းမှ သင် ရှောင်လိုသူများကို "အဆက်အသွယ်များ" တက်ဘ်အောက်တွင် ရွေးပါ
6. "အဆက်အသွယ်များကို ဘလော့ခ်ရန်" အား နှိပ်ပါ

ဤလုပ်ဆောင်ချက်ကို သင် အသုံးပြုတိုင်း သင် ဘလော့ခ်လုပ်လိုသူများကို ရွေးပေးနိုင်ရန် သင့်စက်မှ အဆက်အသွယ်များ စာရင်းကို ယူသုံးပါမည်။ ဤလုပ်ဆောင်ချက်မှ ထွက်ပြီးနောက်တွင်လည်း သင် ဘလော့ခ်လုပ်ထားသူများ၏ (အမည်ဖြစ်စေ၊ အီးမေးလ်ဖြစ်စေ၊ ဖုန်းနံပါတ်ဖြစ်စေ၊ အထက်ပါအချက်အားလုံးဖြစ်စေ) ဆက်သွယ်ရန် အချက်အလက်များကိုသာ ဆက်လက်ထိန်းသိမ်းထားပါမည်။

အဆက်အသွယ်တစ်ခုကို ကိုယ်တိုင် ထည့်လို့ရပါသလား။

ရပါသည်။ Tinder ကို သင့်အဆက်အသွယ်စာရင်း မမျှဝေလိုပါက သို့မဟုတ် သင့်အဆက်အသွယ်စာရင်းထဲ မပါရှိသူတစ်ဦးကို ဘလော့ခ်လိုပါက ထိုသူ၏ အဆက်အသွယ် အချက်အလက်ကို ကိုယ်တိုင်ထည့်၍ ဘလော့ခ်လုပ်နိုင်ပါသည်။ လုပ်ဆောင်နည်းမှာ-

1. အထက်ပါ အဆင့် 1 မှ 3 အထိ လုပ်ပါ
2. ထို့နောက် စခရင်ထိပ်ရှိ + အိုင်ကွန်ကို နှိပ်ပါ
3. ထိုသူ၏ အဆက်အသွယ် အချက်အလက်ကို ထည့်ပြီး "လုပ်ပြီး"ကို နှိပ်ပါ

အဆက်အသွယ်များကို ဘလော့ခ်ဖြေခြင်းနှင့် ချိတ်ဆက်မှု ဖြုတ်ခြင်း 

ဘလော့ခ်ဖြေရန် မည်သို့လုပ်ရမည်နည်း။ 

အဆက်အသွယ်များကို ဘလော့ခ်ရန် လုပ်ဆောင်ချက်၌ အဆက်အသွယ်တစ်ဦးကို ဘလော့ခ်ဖြေရန် ဤအဆင့်များအတိုင်း လုပ်ဆောင်ပါ-

1. Tinder ကို ဖွင့်ပြီး ပရိုဖိုင် အိုင်ကွန်ကို နှိပ်ပါ
2. "ဆက်တင်" သို့ သွားပါ
3. Scroll ဆွဲပြီး "အဆက်အသွယ်များကို ဘလော့ခ်ရန်" အား ရွေးပါ
4. "ဘလော့ခ်လုပ်ထားသူများ"တက်ဘ်သို့ သွားပါ
5. ဘလော့ခ်ဖြေလိုသော အဆက်အသွယ်ဘေးရှိ "ဘလော့ခ်ဖြေရန်"ကို နှိပ်ပါ သို့မဟုတ် စခရင် ညာဘက် အပေါ်ထောင့်ရှိ မီနူးအိုင်ကွန်ကို နှိပ်ပြီး "အားလုံးကို ဘလော့ခ်ဖြေရန်" အား ရွေးပါ

Tinder အား မိမိစက်ထဲရှိ အဆက်အသွယ်စာရင်း မျှဝေပေးနေခြင်းကို မည်သို့ရပ်စဲနိုင်သနည်း။ 

ဤလုပ်ဆောင်ချက်အတွက် သင့်စက်ထဲရှိ အဆက်အသွယ်စာရင်း မျှဝေခြင်းကို ပိတ်လိုပါက အောက်ပါအတိုင်း လုပ်ပါ-

1. အထက်ပါ အဆင့် 1 မှ 3 အထိ လုပ်ပါ
2. ညာဘက် အပေါ်ထောင့်ရှိ မီနူးအိုင်ကွန်ကို နှိပ်ပါ
3. "အဆက်အသွယ် စာရင်းကို ဖြုတ်ရန်" အား ရွေးပါ

အဆက်အသွယ်စာရင်း ချိတ်ဆက်မှုဖြုတ်ခြင်းကြောင့် လက်ရှိဘလော့ခ်စာရင်း၌ မည်သို့မျှ ပြောင်းလဲသွားမည် မဟုတ်ပါ။ သင့်အတွက် အနှောင့်အယှက်ကင်းစေရန် ထိုအဆက်အသွယ်များကို သင်ကိုယ်တိုင် ဘလော့ခ် မဖြေမချင်း ဘလော့ခ်ဆက်လုပ်ပေးထားပါမည်။

ကျွန်ုပ်၏ အဆက်အသွယ်စာရင်းကို Tinder က မည်သို့စီမံဆောင်ရွက်သနည်း။ 

ဤလုပ်ဆောင်ချက်ကို သင် လက်ခံအသုံးပြုပါက Tinder ၌ သင် ရှောင်ရှားလိုသော အဆက်အသွယ်များကို လွယ်ကူမြန်ဆန်စွာ သင် ရွေးချယ်နိုင်စေရန် သင့်အဆက်အသွယ်စာရင်းကို ကျွန်ုပ်တို့ ယူသုံးပါသည်။ အဆက်အသွယ်များကို ဘလော့ခ်ရန် လုပ်ဆောင်ချက်သို့ သွားသည့်အခါတိုင်း သင် ဘလော့ခ်လုပ်လိုသူများကို ရွေးချယ်နိုင်စေရန် သင့်စက်ထဲရှိ အဆက်အသွယ်စာရင်းကို ကျွန်ုပ်တို့ ယူသုံးပါမည်။ ထိုလုပ်ဆောင်ချက်မှ ထွက်ပြီးနောက်တွင်လည်း သင် ဘလော့ခ်လုပ်ထားသူများ၏ (အမည်ဖြစ်စေ၊ အီးမေးလ်ဖြစ်စေ၊ ဖုန်းနံပါတ်ဖြစ်စေ၊ အထက်ပါအချက်အားလုံးဖြစ်စေ) ဆက်သွယ်ရန် အချက်အလက်များကိုသာ ဆက်လက်ထိန်းသိမ်းထားပါမည်။ ထိုသို့ထိန်းသိမ်းထားရခြင်းမှာ (ဥပမာအားဖြင့် ဘလော့ခ်ခံထားရသူများက သင် ဘလော့ခ်လုပ်ထားသော ဆက်သွယ်ရန် အချက်အလက်များဖြင့် အကောင့်သစ်တစ်ခု ဖွင့်လာသည့်အခါမျိုးတွင်) သင် ဘလော့ခ်လုပ်ထားသူနှင့် အပြန်အလှန် မမြင်တွေ့နိုင်စေရေး ကြိုတင်တားဆီးပေးရန် ဖြစ်ပါသည်။

သင့်ကိုယ်ရေးကိုယ်တာ အချက်အလက်များနှင့် လုံခြုံရေးသည် သင့်အတွက် အရေးပါသကဲ့သို့ ကျွန်ုပ်တို့အတွက်လည်း အရေးပါပါသည်။ ကျွန်ုပ်တို့၏ လုံခြုံရေး လုပ်ထုံးများအကြောင်း ပိုမိုသိရှိလိုပါက ကျွန်ုပ်တို့၏ လုံခြုံရေးမူဝါဒကို ဖတ်ရှုကြည့်နိုင်ပါသည်။