Gusto mo bang masubukan kung paano iwasang makita ang isang tao sa Tinder? Gamit ang Block Contacts, pwedeng pwede mong gawin ito. I-share ang contact list sa device mo sa Tinder, piliin ang contact na gusto mong i-block, at gagawin namin ang aming makakaya para maiwasan ninyong makita ang isa't isa.

Ang article na ito ay may kasamang impormasyon tungkol sa:

Pag-block sa isang contact

Pag-unblock at pagdi-disconnect ng contacts

Paano pinoproseso ng Tinder ang contact list mo

Mahalagang paalala tungkol sa feature na ito: 

• Hindi mano-notify ang blocked contacts na naka-block sila sa'yo
• Ang pag-block sa isang tao ay hindi nangangahulugang may Tinder account sila
• Ang pag-block sa contacts ay hindi nakakaapekto sa existing matches o messages mo
• Kapag ang contact info na ginamit mo sa pag-block ng isang tao ay hindi match sa impormasyong ginamit nila sa pag-sign up, hindi namin mapipigilan na makita niyo ang isa't isa
• Maaari mong itigil ang pag-share ng contacts gamit ang Block Contacts feature sa Tinder settings mo
• Kung ayaw mong magbigay ng access sa contacts mo, mayroon kaming manual contact entry option

Pag-block sa isang contact 

Paano ko isha-share ang aking contacts sa Tinder para ma-block ang isang tao?   

Madali lang! I-share sa Tinder ang contact list mula sa device mo, at pumili ng contacts na gusto mong i-block: 

1. Buksan ang Tinder at i-tap ang profile icon 
2. Pumunta sa “Settings”
3. Mag-scroll pababa at piliin ang "Block Contacts" 
4. Bigyan ng permiso ang Tinder na i-access ang contacts mo 
5. Sa ilalim ng "Contacts" tab, piliin ang mga taong gusto mong iwasan mula sa iyong contact list 
6. I-tap ang "Block Contacts"

Tuwing gagamitin mo ang feature na ito, ipakikita namin ang list ng contacts mo mula sa iyong device para makapili ka ng gusto mong i-block. Kapag umalis ka sa feature, pananatilihin lamang namin ang contacts information ng mga taong naka-block sa'yo (pangalan, email at/o phone number). 

Maaari ba akong mag-add ng contact manually?  

Oo. Kung hindi mo gustong i-share sa Tinder ang contacts mo, o kung gusto mong mag-block ng taong hindi naka-save sa iyong contact list, maaari kang mag-add ng contact info manually. Narito kung paano: 

1. Sundin ang hakbang 1 - 3 sa itaas
2. Pagkatapos, i-tap ang + icon sa itaas ng screen
3. Ilagay ang contact info ng taong ito at i-tap ang "Done"

Pag-unblock at pag-disconnect ng contacts 

Paano mag-unblock ng isang tao? 

Para mag-unblock ng isang contact sa Block Contacts feature, sundin ang steps na ito: 

1. Buksan ang Tinder at i-tap ang profile icon 
2. Pumunta sa “Settings”
3. Mag-scroll pababa at i-select ang "Block Contacts"
4. Mag-navigate sa "Blocked" tab
5. I-tap ang "Unblock" sa tabi ng bawat blocked contact na gusto mong i-unblock, o i-tap ang menu icon sa top right corner at piliin ang "Unblock All" 

Paano ko ititigil ang pag-share sa Tinder ng contact list sa device ko? 

Kung gusto mong i-off ang pag-share sa pagitan ng feature na ito at ng contact list ng iyong device, sundin ang instructions sa ibaba:  

1. Sundin ang hakbang 1 - 3 sa itaas
2. I-tap ang menu icon sa top right corner 
3. Piliin ang "Disconnect Contact List"

Ang pag-disconnect sa contact list mo ay hindi nagpapabago sa current list ng blocked contacts mo. Para sa iyong privacy, pananatilihin naming naka-block ang contacts na ito, hanggang i-unblock mo sila. 

Paano pinoproseso ng Tinder ang contact list ko? 

Kapag pinili mong gamitin ang feature na ito, gagamitin namin ang iyong contact list para madali at mabilis mong mapili ang contacts na gusto mong iwasan sa Tinder. Tuwing pupunta ka sa Block Contacts, ipakikita namin ang list ng contacts mo mula sa iyong device para mapili mo ang gusto mong i-block. Kapag umalis ka sa feature na ito, pananatilihin lamang namin ang contact information ng mga taong naka-block sa'yo (pangalan, email at/o phone number). Gagamitin namin ang impormasyong ito para hindi mo makita ang blocked contacts mo at mapigilan din silang makita ka (kung sakaling gumawa sila ng account na may parehong contact information sa in-upload mo). 

Nauunawaan namin na ang personal information at privacy mo ay mahalaga sa'yo, at gusto naming malaman mong mahalaga rin ito sa amin. Tignan ang aming Privacy Policy para sa karagdagang impormasyon tungkol sa privacy practices.