Сакаш да пробаш на Tinder да одбегнеш личност што ја познаваш? Ова е можно со блокирање контакти. Сподели ја листата со контакти од твојот уред со Tinder, одбери контакт што сакаш да го блокираш, а ние ќе дадеме сè од себе за да спречиме да се видите.

Во оваа статија има информации за:

Блокирање на контакт

Одблокирање и отстранување на поврзаност со контакти

Како Tinder ја обработува твојата листа со контакти

Важни напомени за оваа функција: 

• Блокираните контакти нема да бидат известени дека ги имаш блокирано
• Не значи дека личноста што е блокирана има корисничка сметка на Tinder
• Блокирањето на контакти не влијае на твоите постоечки споеви и пораки
• Ако контакт информациите што ги користиш за да блокираш некоја личност не се совпаѓаат со информациите употребени при регистрација, нема да можеме да спречиме да се видите
• Можеш да престанеш да ги споделуваш контактите со функцијата „Блокирај контакти“ во подесувањата на Tinder
• Ако не сакаш да овозможиш пристап до твоите контакти, имаме можност за рачно внесување на контакт

Блокирање на контакт 

Како да ги споделам моите контакти со Tinder за да блокирам некого?   

Едноставно е! Сподели ја листата со контакти од твојот уред со Tinder и избери ги контактите што сакаш да ги блокираш: 

1. Отвори Tinder и допри на профилната икона 
2. Оди во „Подесувања“
3. Листај надолу и избери „Блокирај контакти“ 
4. Дозволи Tinder да има пристап до твоите контакти 
5. Во делот „Контакти“, избери ги луѓето од твојата листа на контакти што сакаш да ги одбегнеш 
6. Допри на „Блокирај контакти“

Секогаш кога ќе ја користиш оваа функција, ќе ја извлечеме листата со контакти од твојот уред за да можеш да одбереш кого сакаш да блокираш. Кога ќе ја напуштиш оваа функција, ќе ги задржиме само информациите за контакт од луѓето што ги имаш блокирано (име, е-пошта и/или телефонски број). 

Дали можам рачно да додадам контакт?  

Да. Ако не сакаш да ги споделиш твоите контакти со Tinder или ако сакаш да блокираш личност што не е зачувана во твојата листа со контакти, можеш рачно да ги додадеш информациите за контактот. Еве како: 

1. Следи ги чекорите 1 - 3 погоре
2. Потоа, допри на иконата „+“ на врвот на екранот
3. Внеси ги контакт информациите на оваа личност и допри на „Готово“

Одблокирање и отстранување на поврзаност со контакти 

Како да одблокирам некој? 

За да одблокираш контакт со функцијата „Блокирај контакти“, следи ги овие чекори: 

1. Отвори Tinder и допри на профилната икона 
2. Оди во „Подесувања“
3. Листај надолу и избери „Блокирај контакти“
4. Оди до делот „Блокирани“
5. Допри на „Одблокирај“ до секој блокиран контакт што сакаш да го одблокираш, или допри на иконата со мени во горниот десен агол и одбери „Одблокирај ги сите“ 

Како да престанам да ја споделувам листата со контакти од мојот уред со Tinder? 

Ако сакаш да прекинеш споделување помеѓу оваа функција и листата со контакти од твојот уред, следи ги инструкциите подолу:  

1. Следи ги чекорите 1 - 3 погоре
2. Допри на иконата со мени во горниот десен агол 
3. Одбери „Прекини поврзување со контакти“

Отстранување на поврзаност со листата на контакти нема да ја смени твојата тековна листа на блокирани контакти. За твоја приватност, тие контакти ќе останат блокирани додека не ни кажеш дека сакаш да ги одблокираш. 

Како Tinder ја обработува мојата листа со контакти? 

Ако ја овозможиш оваа функција, ќе ја користиме твојата листа со контакти за да можеш брзо и едноставно да ги одбереш контактите што сакаш да ги одбегнеш на Tinder. Секогаш кога ќе ја користиш функцијата „Блокирај контакти“, ќе ја извлечеме листата со контакти од твојот уред за да можеш да одбереш кого сакаш да блокираш. Кога ќе ја напуштиш оваа функција, ќе ги задржиме само информациите за контакт од луѓето што ги имаш блокирано (име, е-пошта и/или телефонски број). Ќе ги користиме овие информации за да спречиме да ги гледаш и да те гледаат блокираните контакти (под претпоставка дека создале корисничка сметка со истите контакт информации што ги имаш вчитано). 

Разбираме дека твоите лични податоци и приватност ти се важни и сакаме да знаеш дека и нам ни се важни. Те молиме погледни ја нашата Политика на приватност за повеќе информации за нашите практики за приватност.