My boodskappe wil nie versend nie

Moenie nou al paniekerig raak nie - ons weet dis frustrerend, maar probleme met klets duur nooit lank nie. Intussen is daar 'n paar foutsporingstappe wat jy kan probeer om dinge op jou eie op te los: 

• Maak seker jy het 'n sterk internetverbinding. Probeer om te wissel tussen Wi-Fi en mobiele data om te bepaal of daar 'n probleem met jou verbinding is of nie.
• Skrap en herinstalleer die toepassing. Dit sal nie net sorg dat jy die jongste weergawe van Tinder gebruik nie, dit sal ook jou ervaring van die toepassing verfris, en behoort dinge weer glad te laat verloop!
• Sodra jy terug in die toepassing is, probeer weer om jou boodskap te stuur.
  • iOS: Tik op die rooi uitroepteken langs die mislukte boodskap. 
  • Android: Tik op die boodskap self om dit weer te probeer stuur. 

As die probleem voortduur, wil ons weet! Kom in kontak en beskryf jou probleem in soveel detail as moontlik, sodat ons dinge kan ondersoek.