Егер сіз Пайдалану шарттарын немесе Қауымдастық қағидаларын бұзсаңыз, біз Tinder аккаунтыңызға қатысты шара қолдануымыз мүмкін. Ереже бұзушылық болса, Tinder-ден профиліңізді жойып тастауымыз, ескерту жіберуіміз және/немесе профиліңізден контентті жойып тастауымыз мүмкін. Қолданылған шара дұрыс емес деп есептесеңіз, Апелляция орталығына кіріп, оған апелляциялық шағым түсіре аласыз. 

Апелляция беруге болатын ережебұзушылықтар

Апелляция орталығына кіру үшін Tinder аккаунтыңызға кіретін мәліметтерді пайдалануыңызға болады. Апелляция орталығында апелляция беруге болатын шаралардың барлығы көрсетіліп тұрады. Нақты ереже бұзушылық туралы толық мәлімет алу үшін Мәліметті көру түймесін түртіңіз. 

Апелляциялық шағым беретін нақты ережебұзушылықты таба алмасаңыз немесе ереже бұзушылыққа апелляциялық шағым беру опциясын көрмесеңіз, демек оған Апелляция орталығы арқылы шағым түсіруге мүмкін емес. Бұл ереже бұзушылықтың 6 ай бұрын болғанынан немесе осы әрекетке бұған дейін шағымданғаныңыздан болуы мүмкін. Толық ақпаратты Апелляция орталығынан қараңыз.

Апелляцияны қалай беруге болады

Апелляция беру үшін мына қаламдарды орындаңыз:

1. Апелляция орталығында апелляция бергіңіз келетін ереже бұзушылықты тауып, оны таңдаңыз. 
2. Апелляцияны бастау түймесін басыңыз.
3. Апелляцияны жіберу түймесін басыңыз.

Егер бірнеше ереже бұзушылыққа апелляция бергіңіз келсе, апелляция жібергенде, олардың барлығын таңдауыңыз керек. 

Апелляциядан кейін

Ережебұзушылыққа апелляциялық шағым жіберген соң, ережебұзушылық Жіберілген апелляциялар қойындысына ауысады да, оның жанында Тексерілуде белгішесі пайда болады. Апелляциялық шағымыңызды тексеріп шыққаннан кейін бұл белгіше апелляцияның нәтижесіне байланысты Мақұлданды немесе Қабылданбады деп өзгереді.

• Белгішеде апелляцияңыздың мақұлданғаны көрсетілсе, сіз апелляция берген ережебұзушылықтың күші жойылды деген сөз. Апелляциялық шағым түсірген ережебұзушылыққа байланысты аккаунтыңызды қалпына келтіреміз, ескертуді жоямыз және/немесе контентіңізді қалпына келтіреміз.
• Белгішеде апелляцияңыздың қабылданбағаны көрсетілсе, сіз апелляция берген ережебұзушылық күшіне енді деген сөз. Апелляциялық шағым түсірген ережебұзушылыққа байланысты аккаунтыңызды қалпына келтірмейміз, ескертуді жоймаймыз және/немесе контентіңізді қалпына келтірмейміз.

Апелляция орталығында жаңа ережебұзушылық көрсеңіз, демек тексеру барысында Пайдалану шарттарының немесе Қауымдастық қағидаларының тағы да бұзылғанын анықтадық. Жаңа ережебұзушылықтарға Апелляция орталығы арқылы апелляция бере аласыз.

Апелляция орталығында қолданылған терминдердің қайсыбірі туралы түсіндірме керек болса, Анықтама орталығы мақаласын оқыңыз.