Fotoverbetering is ’n hulpmiddel wat daarop gemik is om jou te help om die tegniese gehalte van jou profielfoto te verbeter. Dis ontwerp om fotogehalte in die geheel te verbeter ‑ byvoorbeeld om jou profielfoto duideliker en beter belig te maak. Fotoverbetering word in geselekteerde markte vir Android- en iOS-gebruikers getoets.
Toegang tot Fotoverbetering
As daar ’n nuwe fotoverbetering vir jou beskikbaar is, sal jy ’n kennnisgewing binne die toepassing kry om jou te laat weet.
Jy sal nie Fotoverbetering-voorstelle in Wysig Profiel vind as geen tegniese probleme opgespoor word nie, dus sal jy nie altyd ’n kennisgewing kry nie. As jy dit handmatig wil nagaan, kan jy sien of ’n verbetering vir enige van jou foto’s beskikbaar is deur hierdie stappe te volg:
- Maak Tinder oop en gaan na jou Profiel
- Tik op Redigeer onder My Foto's
- As een van jou foto's verbeter kan word, sal jy 'n verbeter-ikoon op daardie foto sien wanneer jy dit oopmaak
- Tik op die ikoon om die verbeterde weergawe na te gaan en dit by jou profiel te voeg as jy verkies
Gebruik van Fotoverbetering
Fotoverbetering kan help om probleme soos dowwe beelde, gebrekkige helderheid of beligting, en lae duidelikheid reg te stel. Jy kan jou verbeterde foto nagaan en besluit of jy dit wil verwyder of op jou profiel wil hou. Jy kan enige tyd weer na jou oorspronklike foto toe teruggaan deur toegang te verkry tot Fotoverbetering, soos hierbo beskryf. As jy nie die Fotoverbetering-voorstel gebruik nie, sal jy die opsie kry om terugvoer oor hierdie hulpmiddel te gee.
Onthou, hoewel hierdie hulpmiddel bedoel is om jou te help, is jy op die ou einde self verantwoordelik vir wat jy kies om op te laai, wat insluit dat die foto's wat jy besluit om op te laai aan ons Gebruiksbepalings en Gemeenskapsriglyne voldoen.
Privaatheid & veiligheid wanneer jy Fotoverbetering gebruik
Fotoverbetering is ontwerp om probleme met fotogehalte op te spoor en gefokusde verbeterings aan fotokenmerke soos helderheid en kleurversadiging (onder andere) voor te stel om fotogehalte te verbeter. Fotoverbetering sluit ook ’n outomatiese kontrole in om te help bevestig dat die verbeterde foto steeds soos jy lyk, sodat egtheid behoue bly en die ware jy gewys word. Die kenmerk word egter nog getoets, en die opsionele terugvoer waarna hierbo verwys word, is van onskatbare waarde om ons te help om die kenmerk mettertyd te verbeter. Ons hou ook die verbeterde foto en die oorspronklike foto, sodat jy te eniger tyd daarheen kan teruggaan.