Cütlüklərin görüşü

Cütlüklərin görüşü seçilmiş bazarlarda Android, iOS və Web istifadəçilərinə açıq bir xüsusiyyətdir. Cütlüklərin görüşü sənə və dostuna digər dost cütlüklərlə uyğunlaşmaq və çatlaşmaq imkanı verir.

Cütlüklərin görüşündən istifadə

Cütlüklərin görüşü vasitəsilə 3 cütlüklə dostlaşa və digər dost cütlüklər arasından seçim edə bilərsən. Bu Cütlüklərin görüşləri sənin Kəşfetmə səhifəndə fərdi profillərin göründüyü kimi görünəcək, yeganə fərq Cütlüklərin görüşündən olan hər iki profilin ekranda yan-yana göstərilməsidir. 

Cütlüklərin görüşündən başqa bir cütlüklə uyğunlaşdığın zaman aranızda 4 nəfərlik bir çat açılacaq. Buradan Cütlüklərin görüşündə uyğunlaşdığın cütlüklə qrup çatına başlaya bilərsən. Həmçinin, uyğunlaşdığın cütlüyün profillərindən birinin üzərində ekranı sağa sürüşdürərək onunla birbaşa əlaqə yaratmaq üçün fərdi BM aça bilərsən.

Nəzərə alın: Cütlüklərin görüşü hazırda sınaqdan keçirildiyi üçün, premium xüsusiyyətlər və abunəlik imtiyazları (Boost və Super Bəyənmələr kimi) bu müddət ərzində aktiv olmayacaq.

Cütlüklərin görüşünün tapılması

Cütlüklərin görüşü hazırda seçilmiş bazarlarda sınaqdan keçirilən pulsuz bir xüsusiyyətdir. Əgər bu xüsusiyyət sənin bölgəndə də aktivdirsə, aşağıdakı təlimatlara əməl et. Bunlar bütün platformalara şamil olunur:

1. Kəşfetmə və ya Mesajlar ekranında Cütlüklərin görüşü piktoqramına toxun
2. Cütlük uyğunlaşması üçün 3 nəfərə qədər dostunu dəvət et
3. Cütlüklərin görüşündə sürüşdürərək seçim etmə xüsusiyyətindən istifadəyə başla

Cütlüklərin görüşündə pozitiv təcrübənin yaradılması

Hər kəsin Cütlüklərin görüşündən istifadə təcrübəsinin pozitiv olmasını istərdik. Faydalı ola biləcək bəzi ipucularına nəzər sal:

• Tinder-dən istifadə edərkən həm sən, həm də Cütlüklərin görüşündəki dostlarının hər biri İcma qaydalarımıza əməl etməlidir. Siyasətimizin pozulması halları Cütlüklərin görüşündəki 1 və ya hər iki hesab haqqında tədbir görməklə nəticələnə bilər.
• Sən və ya dostun tətbiqdə, yaxud real həyatda qeyri-müvafiq bir davranışa məruz qalsanız, bu haqda şikayət edin. Şikayət resurslarımıza buradan baxa bilərsən.
• Tinder-dən istifadə etmək üçün həm sən, həm də dostun/dostların ən az 18 yaşında olmalıdır.
• Tətbiq daxilindəki qrup çatlaşmaları və ya real həyatdakı qrup söhbətlərində hər hansı şəxsi məlumat (əlaqə məlumatı daxil olmaqla) haqqında danışmazdan əvvəl həmişə Cütlüklərin görüşündəki dostundan razılıq al.
• Cinsi mövzulardan bəhs etmək istədiyin zaman qrupdakı hər kəsin bununla razılaşdığından əmin ol.

Cütlüklərin görüşü təcrübəsinin fərdiləşdirilməsi

Tinder-ə gəliş məqsədinin özün və ya dostun üçün Cütlüklərin görüşündə uyğun bir cütlük tapmaq, yaxud da Cütlüklərin görüşü ilə heç maraqlanmamaq olmasından asılı olmayaraq, hər şeyə tamamilə sən qərar verirsən. Cütlüklərin görüşü təcrübəni fərdiləşdirə biləcəyin özünəməxsus Parametrlərə malikdir.

1. Tinder-i aç və Profil piktoqramına toxun .
2. Parametrlər piktoqramına toxun .
3. "Cütlüklərin görüşü" ilə etiketlənmiş bölməni tapana qədər ekranı diyirlə
4. Burada Kəşfetmə səhifəsindəki fərdi profillərindən daha çox Cütlüklərin görüşü profillərini seçmək, yaxud da Cütlüklərin görüşündəki bütün profilləri gizlətmək kimi seçimlər var.