Contactos en común – Tinder

Emprega a función Contactos en común para comprobar se tedes amizades en común en Tinder.

Aviso: Contactos en común só está dispoñible en certos mercados para os usuarios de Android e iOS.

Como funciona?

Unha vez que importes os teus contactos, se ti e outra persoa en Tinder tedes amizades en común e se esa persoa tamén activou a función «Contactos en común», poderás ver cantas amizades compartides no seu perfil. Non verás os nomes, só cantas tedes.

Por exemplo:

Se o usuario A ten a unha persoa B na súa listaxe de contactos
e o usuario C tamén ten á persoa B na súa listaxe de contactos,
e esa persoa B é o único contacto que o usuario A e C teñen en común,
logo: o usuario A e o usuario C verán que teñen 1 contacto en común cando se atopen en Tinder, mais non saberán que contacto é esa persoa B.

Ten en conta que ti podes ser esa persoa B nese suposto. Se resulta que es un contacto en común entre dúas persoas en Tinder, podes aparecer no reconto de amizades compartidas, pero elas non saberán que es ti.

Se desexas evitar que algunha conexión en común te vexa (ou vela ti) en Tinder, tes a opción de Bloquear contactos antes de empregar esta función.

Como podo ver os Contactos en común?

Se tes acceso a Contactos en común, podes comezar por:

Abrir a aplicación de Tinder
Premer na icona de perfil
Ir ata a Configuración
Desprazarte ata atopar a función Contactos en común e premer para activala
Escoller se queres bloquear algún contacto
Importar a túa listaxe de contactos para completar a configuración

É posible ver os Contactos en común sen aparecer nas contas dos demais como amizade?

Non é posible. Se dous usuarios de Tinder te teñen na súa listaxe de contactos e activan a función «Contactos en común», aparecerás no reconto de amizades compartidas. Ten en conta que non saberán o nome desas amizades compartidas, só o número.

Podo escoller cales dos meus contactos se importan?

Se hai alguén na túa listaxe de contactos a quen non queiras engadir a «Contactos en común», podes bloquear ese contacto antes de comezar a usar esta función. Segue os pasos da sección «Como podo ver os Contactos en común?» para comezar.

Que ocorre se desactivo Contactos en común?

Se desactivas a función «Contactos en común» na Configuración da túa conta, deixarás de ver as amizades en común nos perfís doutras persoas, e eliminaranse os contactos que importaches. Podes desactivalo na Configuración de Tinder en calquera momento.

De que xeito emprega Tinder a información dos meus contactos?

Contactos en común é unha función de Tinder que require o acceso á túa listaxe de contactos. Cando nos dás permiso para acceder aos teus contactos, collemos os seus números de teléfono e gardámolos con seguridade. No caso dos contactos importados, verificamos se esas persoas son usuarios de Tinder que tamén optaron por usar a función «Contactos en común». Isto permítenos mostrar o número total de amizades en común que teñas con outro usuario que tamén activou esta función. Se un contacto non aparece como usuario de Tinder, a súa información xestionarase do xeito que explicamos na «Información para contactos que non usan Tinder».

Como usuario de Tinder, é posible que previamente autorizases que Tinder poida acceder á túa listaxe de contactos, como ocorre ao utilizar a nosa función de Bloquear contactos. Se tes algunha dúbida sobre como Tinder emprega os teus datos, consulta a nosa Política de privacidade.

Información para contactos que non usan Tinder:

Podemos procesar o teu número de teléfono aínda que non sexas usuario de Tinder, se algún dos nosos usuarios actuais ten gardado o teu número na súa listaxe de contactos e decide subir esa listaxe a Tinder para usar «Contactos en común».

Cando un usuario de Tinder importa o teu número a Tinder, convertémolo nunha función hash criptográfica que non podemos ler nin descifrar. Non accedemos ao nome asociado a ese número desde o dispositivo do usuario, e non usamos o hash almacenado para ningún outro fin que non sexa mostrar ese número no reconto de contactos mutuos, como parte da función «Contactos en común».

Se non usas Tinder e non queres que usen o teu número na función «Contactos en común», podes contactar connosco para que o bloqueemos.

Se queres obter máis información sobre como procesamos os datos das persoas non usuarias, consulta este artigo.