ပြန်အမ်းငွေ တောင်းခံမှုများ

ပလန်များ ပြောင်းလဲမှု ရှိနိုင်သည်ကို ကျွန်ုပ်တို့ နားလည်ပါသည်။ အက်ပ်အတွင်း ဝယ်ယူမှုအများစုအတွက် ငွေပြန်မအမ်းပေးနိုင်သော်လည်း ခြွင်းချက်အချို့ ရှိပါသည်။ လွန်ခဲ့သော 14 ရက်အတွင်း လုပ်ဆောင်ခဲ့သော ဝယ်ယူမှုနှင့်ပတ်သက်၍ အကူအညီလိုအပ်လျှင် ကျွန်ုပ်တို့က အကူအညီပေးရန် အသင့်ရှိနေပါသည်။ ဝယ်ယူမှု ပြုခဲ့သည့် နေရာပေါ်မူတည်၍ လိုအပ်သည့် အချက်အလက်များကို အောက်တွင် ရှာဖွေတွေ့ရှိရပါမည်။

TNDR သို့မဟုတ် COSU ပြန်အမ်းငွေ တောင်းခံမှုများ

သင်၏ ခရက်ဒစ်/ဒက်ဘစ်ကတ်ဖြစ်စေ၊ PayPal ဖြစ်စေ၊ Google CC ဖြစ်စေ သုံး၍ ဝယ်ယူမှု သို့မဟုတ် ဝန်ဆောင်မှု ပုံမှန်ရယူမှု ပြုခဲ့ပါက သင်၏ ပြန်အမ်းငွေ တောင်းခံမှုနှင့်ပတ်သက်၍ ကျွန်ုပ်တို့ ကူညီပေးနိုင်ပါသည်။ သင်၏ တောင်းခံမှုကို မြန်ဆန်စွာ ဆောင်ရွက်ပေးနိုင်ရန် အောက်ဖော်ပြပါအချက်များပါရှိစေရန် သတိပြုစေလိုပါသည်-

• ဝယ်ယူမှု ပြုစဉ်က အသုံးပြုခဲ့သော အီးမေးလ်လိပ်စာဖြင့်သာ ကျွန်ုပ်တို့ထံ ဆက်သွယ်ပေးပါ။
• ပြန်အမ်းငွေ တောင်းခံမှုအတွင်း (ဝန်ဆောင်မှု ပုံမှန်ရယူမှု သို့မဟုတ် သုံး၍ ကုန်သွားနိုင်သော ပစ္စည်းပေါ်မူတည်၍ TNDR သို့မဟုတ် COSU ဖြင့် စတင်သည့်) သင်၏ အော်ဒါနံပါတ် တစ်ပါတည်း ထည့်သွင်းပေးပါ။

Apple နှင့် Google ပြန်အမ်းငွေ တောင်းခံမှုများ

Apple သို့မဟုတ် Google မှတစ်ဆင့် ဝယ်ယူမှု ပြုခဲ့ပါက ပြန်အမ်းငွေ တောင်းခံမှု သို့မဟုတ် ဝန်ဆောင်မှုပယ်ဖျက်ခြင်းနှင့်ပတ်သက်၍ အကူအညီရယူရန် ၎င်းတို့ထံ တိုက်ရိုက်ဆက်သွယ်ရပါမည်။ ပြန်အမ်းငွေများနှင့်ပတ်သက်လျှင် ပလက်ဖောင်းတစ်ခုချင်းစီက ကိုယ်ပိုင်သုံးသပ်ရေးနည်းလမ်းများဖြင့် သုံးသပ်သည်ဖြစ်၍ ၎င်းတို့၏ ပြန်အမ်းငွေ မူဝါဒအတိုင်း လိုက်နာဆောင်ရွက်ရပါမည်။

သင်ဝယ်ယူမှု ပြုခဲ့သော ပလက်ဖောင်းတွင် ပြန်အမ်းငွေ တောင်းခံမှု ပြုနိုင်သည့် နည်းလမ်းများကို အောက်တွင် ဖော်ပြထားပါသည်-

Apple ၏ App Store

Apple မှတစ်ဆင့် တိုက်ရိုက်ဝယ်ယူခဲ့သော ဝယ်ယူမှုများအတွက်ဆိုလျှင် Tinder ဝန်ဆောင်မှု ပုံမှန်ရယူမှုများ သို့မဟုတ် သုံး၍ ကုန်သွားနိုင်သော ပစ္စည်းများ (Boost များနှင့် Super Like များကဲ့သို့ ပစ္စည်းများ) အတွက် ပြန်အမ်းငွေ တောင်းခံမှုနှင့် ဝန်ဆောင်မှု ပယ်ဖျက်မှုအားလုံးကို Apple က တိုက်ရိုက်ကိုင်တွယ်စီမံကြောင်း သိထားစေလိုပါသည်။ 

ပြန်အမ်းငွေ တောင်းခံရန် Apple Support သို့ သွားရောက်ပေးပါ။

Google ၏ Play Store

Google မှတစ်ဆင့် တိုက်ရိုက်ဝယ်ယူခဲ့သော ဝယ်ယူမှုများအတွက်ဆိုလျှင် Tinder ဝန်ဆောင်မှု ပုံမှန်ရယူမှုများနှင့် သုံး၍ ကုန်သွားနိုင်သော ပစ္စည်းများ (Boost များနှင့် Super Like များကဲ့သို့ ပစ္စည်းများ) အတွက် ပြန်အမ်းငွေ တောင်းခံမှုနှင့် ဝန်ဆောင်မှု ပယ်ဖျက်မှုအားလုံးကို Google က တိုက်ရိုက်ကိုင်တွယ်စီမံကြောင်း သိထားစေလိုပါသည်။ 

ပြန်အမ်းငွေ တောင်းခံရာ၌ သင်နေထိုင်ရာ ဒေသပေါ်မူတည်၍ အဆင့်ဆင့် လမ်းညွှန်ချက်များကို ကြည့်ရှုနိုင်ရန် Google ၏ Support စာမျက်နှာသို့ သွားရောက်ပေးပါ။