Tinder သုံးစွဲရန် အနိမ့်ဆုံး အသက်ကန့်သတ်ချက်မှာ 18 နှစ် ဖြစ်ပါသည်။ အသက်မပြည့်သဖြင့် Tinder အသုံးပြုခွင့် ပိတ်ပင်ခံရပါက သင့်အသက် 18 နှစ် မပြည့်မချင်း အကောင့်ဖွင့်၍ ရနိုင်မည် မဟုတ်ပါ။
အချက်အလက် မှားထည့်မိခဲ့ပါသလား။
အသက် 18 နှစ် ပြည့်ပြီးသော်လည်း မွေးသက္ကရာဇ်ကို မတော်တဆ မှားထည့်မိခဲ့ပါက အသက်အတည်ပြုမှု လုပ်ဆောင်ပြီး ပိတ်ပင်မှု ဖယ်ရှားပေးရန် အယူခံတင်နိုင်ပါသည်။
စတင်လုပ်ဆောင်ရန် Tinder ကို ဖွင့်ပြီး အသက်အတည်ပြုရန် ရွေးပါ။ အသက်အတည်ပြုရာ၌ အသုံးပြုသော ပြင်ပဝက်ဘ်ဆိုက်တစ်ခုထံသို့ သင့် ID တင်ပေးရန် တောင်းဆိုပါလိမ့်မည်။ သင့် ID ကို စစ်ဆေးသုံးသပ်ပြီး သင်၏အသက် 18 နှစ် ပြည့်ပြီးကြောင်း အတည်ပြုပြီးသည်နှင့် သင့်မွေးသက္ကရာဇ်ကို အပ်ဒိတ်လုပ်ပေးပြီး ကန့်သတ်ချက်ကိုလည်း ဖယ်ရှားပေးပါမည်၊ ထို့နောက်တွင် သင်အကောင့်ကို ဆက်ဖွင့်နိုင်ပါပြီ။
အမေရိကန်ပြည်ထောင်စု၊ တက္ကဆက်ပြည်နယ်ရှိ သုံးစွဲသူများ
Tinder သည် အသက် 18 နှစ်နှင့်အထက် အရွယ်ရောက်ပြီးသူများအတွက်သာ ဖြစ်သည်။ တက္ကဆက်ပြည်နယ်ဥပဒေနှင့်အညီ အသက် 18 နှစ်အောက် မည်သူမဆို ကျွန်ုပ်တို့၏ဝန်ဆောင်မှုကို ဝင်ရောက်အသုံးပြုခြင်း မပြုနိုင်စေရန် Apple App Store သို့မဟုတ် Google Play Store မှ ပေးထားသော အသက်အချက်အလက်ကို ကျွန်ုပ်တို့ အသုံးပြုပါသည်။
အသက် 18 နှစ် ပြည့်ပြီးသော်လည်း အကောင့်ဖွင့်၍ မရနိုင် ဖြစ်နေပါက သင်၏ App Store ဆက်တင်တွင် ဖော်ပြပါအချက်များကို စစ်ဆေးပေးပါ-
- မွေးသက္ကရာဇ် မှန်ကန်မှု ရှိ၊ မရှိ
- သင်အကောင့်သည် မိဘ/အုပ်ထိန်းသူ၏ ကြီးကြပ်မှုအောက်တွင် သုံးနေရသော အကောင့် ဟုတ်၊ မဟုတ်
- အသက်အချက်အလက် မျှဝေမှုကို ဖွင့်ထားခြင်း ရှိ၊ မရှိ
ဆက်တင်ကို အပ်ဒိတ်လုပ်ပြီးနောက် Tinder ကို ပြန်ဖွင့်ပြီး ထပ်စမ်းကြည့်ပါ။