Erreklamazio-zentroaren glosarioa

Erreklamazio-zentroan erabiltzen diren terminoei buruzko informazio gehiago lortu nahi baduzu, behean aurki dezakezu termino guztien ikuspegi orokor alfabetikoa eta haien azalpena.

Kontuaren egoera - Kontuaren uneko egoera; aktibo (murriztapenik gabe erabil daiteke) edo inaktibo (debekatuta, etenda edo ezabatuta) egon daiteke.

Hartutako neurria - Urratzeaz jabetu ondoren kontuaren aurka hartutako neurri motaren deskribapena.

Aktibo (Urratzea) - Kontuari egotzi zaion eta erreklama daitekeen urratzea.

Erreklamazioa - Prozesu bat, zeinaren bitartez erabiltzaileak haren kontuan eragina izan duen berretsitako urratze baten berrikuspena eskatzen duen.

Erreklamatuta (Urratzea) - Dagoeneko erreklamatu den urratzea. Honek barne hartzen ditu unean berrikusten ari direnak eta izapidetzen amaitu direnak.

Debekua - Urratze bat berresten denean kontu horretan hartutako neurria; erabiltzaileari kontua azitzea edo kontu berriak sortzea debekatzea dakar. Profila plataformatik kendu egiten da.

Edukia kentzea - Tinder-en Komunitateko arauak edo Erabilera-baldintzak urratzen dituen erabiltzailearen profilean erabiltzaile horrek sortutako edukia kentzeko hartzen den neurria. Oharra: Edukia kentzen denean beti abisu bat bidaliko da.

Deskribapena - Urratze batengatik neurriak hartzera iristeko zer gertatu den azaltzen duten xehetasunak.

Iraungita (Urratzea) - Kontuari egotzi zaion urratzea, jada ezin dena erreklamatu neurria duela 6 hilabete baino gehiago hartu zelako.

Sistema automatizatuek markatutakoa - Auzia tresna automatizatuak erabiliz aurkitu zen neurriak hartu aurretik.

Salaket(ar)en bidez markatutakoa - Auzia beste erabiltzaileek edo kanpo alderdiek bidalitako salaket(ar)en bidez aurkitu zen neurriak hartu aurretik.

Tinder-ek hasitako berrikuspenaren bidez markatutakoa - Auzia ohiko negozio-eragiketetan aurkitu eta berrikusi egin zen neurriak hartu aurretik.

Azken eguneratzea - Urratze bati egin zaion azken aldaketaren data. Urratze bat erreklamatu bada baina oraindik izapidetu ez bada, erreklamazioaren bidalketa-data izango da. Behin izapidetuta, erreklamazioaren berrikuspenaren amaitze-data izango da.

Emaitza - Erreklamazioaren izapidetzearen emaitza.

Sistema automatizatuak berrikusitakoa - Tresna automatizatuek zehaztu zuten urratzea eta ez du giza moderatzailerik parte hartu.

Etenaldia - Urratze bat berresten denean kontu horretan hartutako neurria; erabiltzaileari aldi baterako haren kontua azitzea mugatzen dio. Aldi horretan zehar ezin du plataformaren bidez kontua atzitu. Etenaldia amaitzen denean, kontua automatikoki berrezarriko da, beste urratzerik gertatzen ez bada.

Urratzeak - Tinder-en Komunitateko arauekin edo Erabilera-baldintzekin bat ez datorren edukia edo jokabidea.

Urratze mota - Urratu den gidalerroaren izena.

Abisua - Urratze bat berresten denean hartutako neurria; erabiltzaileari jokabidearen berri ematean datza. Kontuan hartu, urratze mota beraren abisu anitzek kontuaren etenaldia edo debekua izan dezaketela ondorio. Edukia kentzen denean ere abisuak bidaliko dira.