Si të kërkoj një kopje të të dhënave të mia personale?

Ne në Tinder jemi të përkushtuar për të mbrojtur të dhënat dhe privatësinë, si edhe për të siguruar akses në informacionet që na ke dhënë.

Si t'i kërkosh të dhënat

1. Vizito mjetin "Menaxho llogarinë" dhe identifikohu në llogari. 
2. Prek "Shkarko informacionin tim"
3. Fut adresën e emailit ku dëshiron të marrësh lidhjen e shkarkimit.
4. Prek "Dërgo"

Pasi të kesh dërguar kërkesën, do të dërgojmë lidhjen e shkarkimit me email brenda pak ditësh. Për të mbrojtur privatësinë dhe sigurinë, lidhja do të skadojë 24 orë pasi të jetë dërguar me email. Nëse nuk i ke aksesuar të dhënat brenda asaj kohe, mund ta dërgosh përsëri kërkesën.

Si t'i shkarkosh të dhënat

1. Hap emailin që të njofton se të dhënat janë gati.
2. Prek lidhjen e shkarkimit në email për të ruajtur skedarin ZIP.
3. Nxirr përmbajtjen nga skedari ZIP.
4. Hap skedarin index.html për të parë të dhënat në shfletues.

Si ta kuptosh skedarin e të dhënave

Pasi të kesh shpaketuar përmbajtjen e skedarit ZIP, do të shohësh një dosje që përmban të dhënat personale. Brenda dosjes, mund të gjesh një skedar index.html, një version i lehtë për t'u përdorur i të dhënave të shkarkuara. Hap skedarin për të eksploruar të dhënat. Mund të gjesh edhe një version të strukturuar dhe të lexueshëm nga kompjuteri i të dhënave në formatin JSON. 

Skedari i shkarkuar mund të përmbajë informacione mbi:

• Llogarinë & profilin
• Preferencat & cilësimet
• Fotot & mediat e tjera të ngarkuara
• Aktivitetin e mesazheve
• Aktivitetin "Shfleto & përputh"
• Blerjet & abonimin
• Shërbimet e lidhura (p.sh. Spotify)
• Të dhënat teknike & të përdorimit

Shumica e informacioneve që do të marrësh nëpërmjet këtij ‌mjeti janë në disponueshme përmes aplikacionit, si adresa e emailit, numri i telefonit, fotoja/fotot e profilit, mesazhet dhe preferencat. 

Të dhënat e shkarkuara mund variojnë sipas mënyrës së përdorimit të Tinder. Nëse një seksion në shkarkim shfaqet bosh, do të thotë që në llogarinë tënde nuk ka të dhëna për atë kategori. Disa lloje informacionesh—si të dhënat që ke fshirë (të cilat asgjësohen në përputhje me Politikën e Privatësisë), apo informacione që mund të ndikojnë në privatësinë apo sigurinë e një personi tjetër—nuk do të përfshihen në skedar.

Si t'i kërkosh të dhënat nëse nuk ke akses në llogari

Nëse e ke fshirë llogarinë në Tinder, nuk do të mund ta aksesosh Mjetin "Menaxho llogarinë", sepse nuk ke më llogari në Tinder. 

Nëse e ke fshirë llogarinë ose nuk mund ta aksesosh atë, mund të bësh një kërkesë për akses në të dhëna si më poshtë:

1. Vizito formularin e kërkesës për privatësi
2. Te “Cili është shqetësimi yt?”, zgjidh “Kam një pyetje tjetër në lidhje me të dhënat e mia.”
3. Në fushën "Përshkrimi", jep detajet e kërkesës
4. Zgjidh "Raporto"

Jep adresën e emailit ku mund të kontaktojmë. Nëse je përdorues i Tinder, sigurohu që ky email të jetë i lidhur me llogarinë tënde. Mund të bashkëngjisësh edhe skedarë që të na ndihmosh të përgjigjemi.

Për të mbrojtur ty dhe të gjithë anëtarët tanë, përpara se të mund t'i përgjigjemi kërkesës, mund të kërkojmë informacione për të verifikuar identitetin tënde ose autorizimin për të vepruar në emër të një anëtari.

Pyetje mbi të dhënat

Nëse ke nevojë për ndihmë ose ke pyetje në lidhje me të dhënat që merr, mund të bësh një kërkesë siç përshkruhet më lart. Mund t'i përgjigjesh emailit që ke marrë nga ekipi i Ndihmës në lidhje me të dhënat e eksportuara. 

Shënim: Për informacione se si mund të kontaktosh Zyrën e Mbrojtjes së të Dhënave në Tinder, shiko Pyetjet më të Shpeshta këtu.