Que é a Verificación con foto?
Como podo verificar con foto o meu perfil?
Por que se rexeitou a miña solicitude de Verificación con foto?
Despois de obter a Verificación con foto, teño que volver pasar o proceso?
Que é a Verificación con foto?
A Verificación con foto ofréceche a oportunidade de demostrarlles ás túas posibles coincidencias que realmente es a persoa das fotos. Para obter esta verificación, debes enviar un vídeo curto do teu rostro para que poidamos comparalo coas túas fotos de perfil mediante unha tecnoloxía de recoñecemento facial.
As ferramentas como a Verificación con foto axúdanlles aos usuarios a tomar decisións máis informadas en Tinder, polo que agradecemos a túa axuda para facer de Tinder un espazo máis seguro para coñecer xente! É fundamental que comprendas que, aínda que a marca de verificación azul pode ser unha indicación de que a persoa é quen di ser segundo as fotos que compartiu con Tinder, non é unha garantía da veracidade da información proporcionada por outro usuario de Tinder, nin debe substituír o teu xuízo (e tamén e importante que sigas os nosos Consellos de seguridade nas citas, e que fagas a túa propia investigación sobre unha posible coincidencia para confirmar que realmente é quen di ser).
Como podo verificar con foto o meu perfil?
Para obter a Verificación con foto, debes completar os seguintes pasos e proporcionar o vídeo do rostro correspondente:
- Abre Tinder e preme a icona do perfil
- Preme a marca de verificación gris ao carón do teu nome
- Cando vexas «Obter verificación», preme en Continuar
- Se non o fixeches xa, permite que Tinder acceda á túa cámara
- Coloca a túa cara dentro do óvalo e preme Adiante
- Sigue as instrucións da pantalla para enviar un vídeo curto do teu rostro
O procesamento da solicitude debería tardar só uns minutos. Unha vez aprobada, avisarémosche e engadiremos a marca de Verificación con foto ao teu perfil.
Por que se rexeitou a miña solicitude de Verificación con foto?
Aquí tes unha pequena lista cos principais motivos:
- A cara non se ve claramente no marco proporcionado
- A cara está tapada ou oculta
- Ausencia de expresión facial neutra
- O vídeo non é nítido ou non ten boa iluminación
- A persoa do vídeo non se corresponde coa persoa das fotos de perfil de Tinder
Despois de obter a Verificación con foto, teño que volver pasar o proceso?
É posible que teñas que volver completar este proceso se eliminas unha ou máis fotos do teu perfil. Cantas máis fotos verificadas teñas, menor será o risco de perder o estado de Verificación con foto se eliminas unha ou máis fotos. Calquera nova foto que subas tras a Verificación con foto estará suxeita a un novo proceso de verificación e podería afectar o teu estado.
Necesitas máis axuda?
Se tes máis preguntas sobre o proceso de Verificación con foto, ponte en contacto connosco.