საერთო ნაცნობები

გამოიყენე საერთო ნაცნობების ფუნქცია და გაიგე, Tinder-ზე სხვებთან საერთო კონტაქტები თუ გყავს.

შენიშვნა: საერთო ნაცნობები Android-ისა და iOS-ის მომხმარებლებისთვის შერჩეულ ბაზრებზეა ხელმისაწვდომი.

როგორ მუშაობს? 

კონტაქტების იმპორტირების შემდეგ, თუ შენ და Tinder-ის სხვა მომხმარებელს საერთო კონტაქტი გეყოლებათ და თუ ისიც დაეთანხმა საერთო ნაცნობების ფუნქციას, კავშირების რაოდენობა მის პროფილზე გამოჩნდება. საერთო კავშირების სახელებს ვერ ნახავ — მხოლოდ - რაოდენობას.

მაგალითად:

• თუ მომხმარებელ A-ს საკონტაქტო სიაში ჰყავს პირი B, 
• და მომხმარებელ C-საც ჰყავს პირი B კონტაქტების სიაში,
• და პირი B ერთადერთი კონტაქტია, რომელსაც მომხმარებელი A და მომხმარებელი C იზიარებენ
• მაშინ: მომხმარებელი A და მომხმარებელი C Tinder-ზე ერთმანეთის ნახვისას დაინახავენ, რომ მათ 1 საერთო კონტაქტი ჰყავთ. მაგრამ ისინი ვერ დაინახავენ, რომ ეს კონტაქტი B პირია. 

გაითვალისწინე, რომ ამ სცენარში შეიძლება შენ იყო B პირი. თუ Tinder-ის ორი მომხმარებლის საერთი კონტაქტი აღმოჩნდები, შესაძლოა, შენც შედიოდე საერთოების რაოდენობაში, მაგრამ აღნიშნული მომხმარებლები ვერ დაინახავენ, რომ ეს შენ ხარ.

თუ Tinder-ზე ვინმე საერთო კონტაქტია, რომელმაც არ გინდა გნახოს ან ნახო, ამ ფუნქციის გამოყენებამდე კონტაქტების დაბლოკვა შეგიძლია.

როგორ ვნახო საერთო ნაცნობები? 

თუ საერთო ნაცნობებზე წვდომა გაქვს, ამ ნაბიჯებს მიჰყევი: 

1. გახსენი Tinder აპი
2. დააჭირე პროფილის ხატულას
3. გადადი პარამეტრებზე
4. ჩასქროლე, რომ საერთო ნაცნობები იპოვო და ჩასართავად დააჭირე
5. აირჩიე, თუ რომელიმე კონტაქტის დაბლოკვა გსურს
6. დაასრულე პროცესი შენი კონტაქტების სიის იმპორტირებით

შემიძლია საერთო ნაცნობები ისე ვნახო, რომ ნაცნობად არ ჩავითვალო? 

ეს ასე არ მუშაობს — თუ Tinder-ის 2 მომხმარებელს ჰყავხარ კონტაქტებში და საერთო ნაცნობები აქვთ ჩართული, შეიძლება მათი საერთო კონტაქტების რიცხვში შედიოდე. გაითვალისწინე, რომ ისინი საერთო კონტაქტების სახელებს ვერ ნახავენ.

შემიძლია ვმართო, ჩემი კონტაქტებიდან ვინ აიტვირთება?

თუ შენი კონტაქტების სიაში არის ვინმე, ვისი დამატებაც საერთო ნაცნობებში არ გსურს, შეგიძლია, ფუნქციის გამოყენებამდე ეს კონტაქტი დაბლოკო. დასაწყებად, მიჰყევი ზემოთ მითითებულ ნაბიჯებს, რომელიც „როგორ ვნახო საერთო ნაცნობების“ ქვეშაა მოცემული. 

რა მოხდება, თუ საერთო ნაცნობებს გამოვრთავ? 

შენი ანგარიშის პარამეტრებიდან საერთო ნაცნობების გამორთვით, სხვების პროფილებზე საერთო კონტაქტებს ვეღარ დაინახავ და შენ მიერ იმპორტირებული ყველა კონტაქტი წაიშლება. საერთო ნაცნობების ფუნქციის გამორთვას Tinder-ის პარამეტრებიდან ყოველთვის შეძლებ.

როგორ იყენებს Tinder-ი ჩემს საკონტაქტო ინფორმაციას?

საერთო ნაცნობები Tinder-ის ფუნქციაა, რომელიც შენი მოწყობილობის კონტაქტების სიის გამოყენებას მოითხოვს. მას შემდეგ, რაც შენი კონტაქტების სიაზე წვდომის ნებართვას მოგვცემ, შენი კონტაქტებიდან ტელეფონის ნომრის ინფორმაციას შევაგროვებთ და უსაფრთხოდ შევინახავთ. ასევე ვამოწმებთ, არიან თუ არა იმპორტირებული კონტაქტები Tinder-ის მომხმარებლები, ვინც ასევე დაეთანხმნენ საერთო ნაცნობების ფუნქციას. ეს საშუალებას გვაძლევს, შენი და სხვა მომხმარებლის იმ საერთო კონტაქტების ჯამური რაოდენობა ვაჩვენოთ, ვისაც საერთო ნაცნობების ფუნქცია ჩართული აქვს. თუ შენ მიერ იმპორტირებული კონტაქტი Tinder-ის მომხმარებელად არ იქნება იდენტიფიცირებული, მისი ინფორმაცია დამუშავდება ქვემოთ მოცემული წესით, „ინფორმაცია იმ კონტაქტებისთვის, რომლებიც Tinder-ს არ იყენებენ“.

როგორც Tinder-ის მომხმარებელმა, შესაძლოა, ადრე Tinder-ს შენი კონტაქტების სიაზე წვდომა მიეცი, მაგალითად, ჩვენი კონტაქტების დაბლოკვის ფუნქციის გამოყენებისას. თუ რაიმე კითხვა გექნება იმის შესახებ, თუ როგორ იყენებს Tinder-ი ამ პერსონალურ მონაცემებს, გთხოვთ, იხილო ჩვენი კონფიდენციალურობის პოლიტიკა.

ინფორმაცია იმ კონტაქტებისთვის, რომლებიც Tinder-ს არ იყენებენ: 

შესაძლოა, შენი ტელეფონის ნომერი დავამუშავოთ მაშინაც კი, თუ Tinder-ის მომხმარებელი არ ხარ, თუ ჩვენს არსებულ მომხმარებლებს შენი ნომერი შენახული ექნებათ კონტაქტების სიაში და მის ატვირთვას Tinder-ზე საერთო ნაცნობების ფუნქციის გამო გადაწყვეტენ. 

როცა Tinder-ის მომხმარებელი შენს ნომერს Tinder-ზე ატვირთავს, ჩვენ ამ ნომერს კრიპტოგრაფიულ ჰეშად გარდავქმნით, რომლის წაკითხვა ან შექცევადობა ჩვენთვის შეუძლებელია. ჩვენ არ ვაგროვებთ ამ ნომერთან დაკავშირებულ სახელს მომხმარებლის მოწყობილობიდან. ჩვენ არ ვიყენებთ შენახულ ჰეშს რაიმე სხვა მიზნით, გარდა იმისა, რომ ეს რიცხვი ვაჩვენოთ საერთო კონტაქტების რაოდენობაში, როგორც საერთო ნაცნობების ფუნქციის ნაწილი. 

თუ არ ხარ მომხმარებელი და არ გსურს, შენი მობილურის ნომერი Tinder-ის რომელიმე მომხმარებელმა საერთო ნაცნობების ფუნქციის ფარგლებში გამოიყენოს, შეგიძლია, დაგვიკავშირდე, რათა შენი ნომერი დაბლოკილთა სიაში დავამატოთ. 

დამატებითი ინფორმაციისთვის იმის შესახებ, თუ როგორ ვამუშავებთ არამომხმარებლის მონაცემებს, იხილე ეს სტატია.