რა არის ფოტოს ამომრჩევი?
ფოტოს ამომრჩევი არის მოწყობილობის ხელსაწყო, რომელიც დაგეხმარება დაადგინო, შენს გალერეაში არსებული სურათებიდან, რომელი შეიძლება გამოდგეს პროფილის ფოტოდ. გამოიყენე ხელოვნური ინტელექტი, რათა სწრაფად იპოვო ფოტოები შენი პროფილისთვის, სელფის გადაღებით ან უკვე არსებული ფოტოს გამოყენებით, დანარჩენი ფოტოს ამომრჩევს მიანდე. ეს ინსტრუმენტი შენთვის, რეგისტრაციისას და პროფილის ფოტოს დამატებისას, ნებისმიერ დროს იქნება ხელმისაწვდომი.
როგორ მუშაობს ფოტოს ამომრჩევი?
პირველ რიგში, მოწყობილობაში შენი ფოტოების მოსაძებნად ბიომეტრიული მონაცემების გენერირება დაგჭირდება. ორი არჩევანი გექნება—შეგიძლია, ისეთი პროფილის ფოტო გამოიყენო, რომელშიც სახე გიჩანს, ან სელფი გადაიღო.
შემდეგ, ფუნქცია შენი გალერეიდან ისეთ ფოტოებს აარჩევს, რომელიც პროფილის ფოტოდ გამოდგება. ეს არჩევანი ეფუძნება იმას, რაც ჩვენი გამოცდილებით, კარგი პროფილის ფოტოსთვისაა საჭირო, მაგალითად, განათება, კომპოზიცია და სხვა. ფუნქცია ასევე ფილტრავს ჯგუფურ ფოტოებს ან ფოტოებს, რომელიც ჩვენს გამოყენების წესებსა და გაიდლაინებსარღვევს.
საბოლოოდ, შენ აირჩევ, წარმოდგენილი ფოტოებიდან რომელი ატვირთო შენს პროფილზე. გახსოვდეს, მიუხედავად იმისა, რომ ეს ხელსაწყო შენს დასახმარებლადაა გამიზნული, საბოლოოდ, შენ ხარ პასუხისმგებელი იმაზე, თუ რომელ ფოტოებს ატვირთავ. უნდა გაითვალისწინო, რომ ატვირთული ფოტოები ჩვენს გამოყენების წესებსა და გაიდლაინებს უნდა მიჰყვებოდეს. ასევე უნდა გაითვალისწინო ნებისმიერი მოქმედი ადგილობრივი კანონი, ფოტოს ამომრჩევი ხელსაწყოს გამოყენებასთან დაკავშირებით.
ასევე, გახსოვდეს, რომ პირველმა ნაბიჯმა რომ იმუშაოს, სრული ან ნაწილობრივი წვდომის მოცემა დაგჭირდება შენს ფოტო ბიბლიოთეკასა და კამერაზე. წვდომის დონის დასარეგულირებლად, შენი პარამეტრების შეცვლას ყოველთვის შეძლებ, ასევე შეგიძლია წვდომა საერთოდ გააუქმო, როგორც კი დაასრულებ.
როგორ იყენებს ფოტოს ამომრჩევი ჩემს მონაცემებს?
აი, საუკეთესო ნაწილი. ფოტოს ამომრჩევი ფუნქცია მთლიანად შენს მოწყობილობაზე მუშაობს და მას ყოველთვის შენ აკონტროლებ. ქვემოთ იხილე დეტალები იმის შესახებ, თუ როგორ გამოიყენება შენი მონაცემები პროცესის თითოეულ ეტაპზე:
- პროფილის ფოტოს შეთავაზება: ფოტოს ამომრჩევი არ იყენებს ბიომეტრიულ მონაცემებს, რათა ამ ფუნქციისთვის პროფილის ფოტო შემოგთავაზოს. ნაცვლად ამისა, Tinder-ი კონფიდენციალურობის შენარჩუნების ხელსაწყოს იყენებს, რათა ბიომეტრიული მონაცემების გენერირებისა და შენი სახის მახასიათებლების შესახებ დეტალების შეგროვების გარეშე აღმოაჩინოს, შენი პროფილის რომელ ფოტოს აქვს სახის მონახაზი. ეს პროცესი მთლიანად შენს მოწყობილობაზე ხდება და Tinder-ი არ იღებს ინფორმაციას იმის შესახებ, თუ პროფილის რომელ ფოტოს აქვს სახე გამოვლენილი.
- შენი ბიომეტრიული მონაცემების გენერირება და გამოყენება: ბიომეტრიული მონაცემები შენი პროფილის ფოტოდან ან ვიდეო სელფიდან გენერირდება და შემდეგ შენს გალერეაში არსებულ ფოტოებს შედარდება. Tinder-ი არ აგროვებს, არ ინახავს, არ იძიებს ან სხვაგვარადაც არ იღებს ბიომეტრიულ მონაცემებს, რომელიც შენი სელფის ვიდეოდან, პროფილის ფოტოდან ან შენი გალერეიდან გენერირდება. ნაცვლად ამისა, ყველაფერი მთლიანად შენს მოწყობილობაზე ხდება და ამ ფუნქციის ფარგლებში გამოყენებული ყველა ბიომეტრიული მონაცემი შენი მოწყობილობიდან ფუნქციიდან გასვლისთანავე წაიშლება.
- შენი ფოტოების სკანირება: Tinder-ი არ აგროვებს და არ იძიებს არცერთ ფოტოს შენი გალერეიდან და გარკვეული ფოტოების სკანირებისა და შეთავაზების პროცესი მთლიანად შენს მოწყობილობაზე მიმდინარეობს. Tinder-ი მხოლოდ იმ ფოტოებს აგროვებს, რომელთაც საბოლოოდ შენს პროფილზე ატვირთავ.
რატომ ვერ ვხედავ ჩემს მეგობრებთან გადაღებულ ფოტოებს რეკომენდაციებში?
ფოტოს ამომრჩევი ჯგუფური ფოტოების გამოსარიცხადაა მოწყობილი. გთხოვთ, ეს ფუნქცია მხოლოდ შენი ფოტოების მოსაძებნად გამოიყენო.
რა ხდება იმ შემთხვევაში, თუ შემოთავაზებული ფოტოები არ მომწონს?
თუ ფოტოს ამომრჩევი ისეთ ფოტოებს შემოგთავაზებს, რომელიც შენი აზრით საუკეთესო არჩევანი არ არის, გთხოვთ, შენი უკუკავშირი ჩვენს კონტაქტის ფორმაში გაგვიზიარო. შენი უკუკავშირი გადამწყვეტ როლს თამაშობს ფუნქციის გაუმჯობესებაში.
სად არის ფოტოს ამომრჩევი ხელმისაწვდომი?
ფოტოს ამომრჩევი Android-ისა და iOS-ის მომხმარებლებისთვის მსოფლიოს მასშტაბითაა ხელმისაწვდომი.