Paano ginagamit ng Tinder ang aking sensitibong datos?

Sa Tinder, naniniwala kami na mahalaga ang kung sino ka sa iyong karanasan sa pakikipag-date. Kaya puwede kang magbahagi ng impormasyon sa profile mo na nagpapakita ng iyong sexual orientation at kasarian, na maaaring ituring na sensitibong datos sa ilalim ng ilang mga batas at regulasyon. Pipiliin mo kung nais mong magbahagi ng sensitibong datos sa Tinder, at gusto naming maunawaan mo kung paano namin ito ginagamit at ang mga pagpipilian mo. Basahin ang mga sumusunod para sa overview at sumangguni sa aming Privacy Policy para sa karagdagang impormasyon kung paano namin ginagamit ang datos mo, kabilang ang sensitibong datos.

Para magbigay ng at mapaganda ang karanasan mo sa Tinder 

Ginagamit namin ang sensitibong datos na ibinabahagi mo para bigyan ka ng service at tulungan kang makipag-ugnayan sa mga Tinder user. Bukod dito, ang sensitibong datos na inilalagay mo sa iyong pampublikong profile ay makikita ng ibang mga Tinder user para matulungan ang potensyal na matches na makilala ka at magdesisyon kung gusto nilang makipag-ugnayan sa iyo. Para sa karagdagang kaalaman kung paano lumalabas ang kasarian at sexual orientation sa profile mo at kung paano mo papamahalaan ang settings na ito, tingnan ang aming Gender & Sexual Orientation help na artikulo.

Kung ayaw mo nang magbahagi ng sensitibong datos sa amin, maaari mong i-update ang iyong profile sa Edit Profile o isara ang account mo sa pamamagitan ng pagsunod sa mga panuto rito. 

Para mapahusay ang karanasan mo sa buong Match Group

Ang Tinder ay bahagi ng pamilya ng mga kumpanya ng Match Group, at maaari kaming (kung pinahihintulutan) gumamit ng sensitibong datos para makatulong na mabigyan ka ng pinakamagandang karanasan sa iba-ibang plataporma ng Match Group. Halimbawa, maaari naming tingnan ang sexual orientation at/o kasarian mo para makapag-alok sa iyo ng mga Match Group service na nilikha para sa komunidad mo para makatulong na mapataas ang pagkakataon mong makabuo ng makabuluhang koneksyon sa iba. 

Kontrolado mo kung ang iyong datos ay gagamitin para sa Match Group Offers at iba pang gawain kaugnay sa paggamit ng datos ng Match Group sa pamamagitan ng pagpunta sa Privacy Preferences Center na makikita sa account Settings mo. Mas alamin dito at sa aming Privacy Policy (“Paano nagtutulungan ang Match Group Companies”).

Para suportahan ang mga pagsisikap sa safety, integridad, at seguridad

User safety ang pangunahing prayoridad para sa Tinder. Ang iyong datos, kabilang ang sensitibong datos, ay maaaring gamitin kung kinakailangan para panatilihan ka at iba pang member na ligtas sa Tinder at sa buong Match Group. 

Paano ko ito mas maiintindihan?

Tingnan ang aming Privacy Policy para sa karagdagang impormasyon tungkol sa kung paano namin ginagamit ang datos, kabilang ang sensitibong datos.