Datos at Impormasyon sa privacy ng Photo Check

Ano ang Photo Check?

Mahalaga ang awtentisidad sa Tinder. Kapag nakatukoy ng hindi pangkaraniwang aktibidad ang aming mga awtomatikong sistemang pangkaligtasan o mga taong moderator, maaari nilang hilingin sa kaukulang profile na kumpletuhin ang Photo Check sa pamamagitan ng video selfie upang maipagpatuloy ang normal na paggamit ng app. Kapag kumuha ka ng video selfie, ang facial geometry mo, na maaaring ituring bilang "biometric information" sa ilang lugar, ay gagamitin at iiimbak para suriin ang profile photos mo, bawasan ang panlilinlang, at tumulong na pagtiyak na walang ibang profile ang gumagamit ng itsura mo. Matapos matagumpay na makumpleto ang video selfie mo at makapag-upload ng isang malinaw na solong photo ng iyong mukha na tugma sa mukha sa video selfie mo, awtomatiko kang makakatanggap ng Photo Verified badge sa profile mo.

Paano gumagana ang Photo Check?

Ang pagkumpleto ng Photo Check ay kasing-dali ng pagkuha ng video selfie. Gumagamit kami ng teknolohiyang pang-scan ng mukha para suriin kung ang bidyo ay kinunan ng isang totoong buhay na tao, at kung ito ay hindi in-edit o minanipula. Tinutukoy din ng teknolohiyang ito ang mukha mo sa iyong video selfie at mga profile photo, at ginagamit ang facial geometry ("FaceMap") mo upang makabuo ng isang natatanging numero ("FaceVector"). Ang data na nabuo at naproseso ng feature na ito (“Verification Data”) ay iniimbak para sa mga layuning nabanggit sa ibaba sa “Paano ginagamit ang aking Verification Data?”. Maaari rin kaming magsagawa ng mano-manong pagsususuri ng photos mo. 

Kapag matagumpay mong nakumpleto ang Photo Check, maa-unlock ang iyong account at maipagpapatuloy mo na ulit ang normal na paggamit ng app.

Paano ginagamit ang aking Verification Data?

Sinusuri ang video selfie mo para matiyak na isa kang totoong tao, at agad itong binubura. Ginagamit ang FaceMap mo para tulungang suriin kung ang tao sa video selfie mo ay lumilitaw na kapareho ng tao sa iyong profile photos, at ang iyong FaceVector ay kinukumpara sa FaceVectors sa ibang mga account para makatulong na masiguradong walang ibang profile ang gumagamit sa itsura mo. Bilang paalala, kinakailangang sumunod ng mga Tinder user sa patakaran ng Tinder na gumamit lang ng isang account, gaya ng itinakda sa aming Terms of Use at Community Guidelines.

Ang orihinal na video selfie mo ay hindi itinatago o idinaragdag sa profile mo. Nagpapanatili kami ng 2 audit images mula sa video selfie mo para sa layuning pag-audit at pamamahala ng Photo Verification feature at pagkumpirma ng itsura mo. 

Maaari rin naming gamitin ang Verification Data kung kinakailangan para i-troubleshoot at tiyakin ang maayos na paggana ng aming Photo Check feature, o kung kinakailangan para siguraduhin ang kaligtasan at seguridad ng aming service at mga user, hanggang sa lawak na pinahihintulutan ng naaangkop na batas.

Anong impormasyon ang mananatili pagkatapos makumpleto ang Photo Check?

Kung pipiliin mong kumpletuhin ang Photo Check, papanatilihin ang Verification Data mo para patuloy kaming makapagbigay ng serbisyong Photo Verification sa iyo habang pinapalitan at ina-update mo ang iyong profile photos sa paglipas ng panahon, at para makatulong na matukoy kung may ibang mga account na gumagamit sa itsura mo. Para magawa ito, ang FaceMap at FaceVector mo ay pananatilihin hanggang aktibo ang account mo, at buburahin mula sa aming mga sistema sa loob ng 30 araw mula sa pagsasara ng account, maliban kung kinakailangan ang patuloy na pagpapanatili para sumunod sa angkop na legal na obligasyon o para masiguro ang kaligtasan at seguridad ng aming service at mga user, hanggang sa lawak na pinahihintulutan ng naaangkop na batas.

Gaya ng nabanggit sa itaas, ang orihinal na video selfie mo ay hindi pinapanatili o idinaragdag sa profile mo, ngunit nagtatabi kami ng 2 audit images mula sa video selfie mo. Pananatilihin din namin ang mga resulta ng proseso ng Photo Verification (matagumpay man ito o hindi) hanggang 90 araw matapos isara ang account mo (o 1 taon kung naka-ban ang account). Pinapanatili ang audit images sa loob ng 90 araw pagkatapos ng pagsasara ng account, o hanggang sa tagal ng account ban, kung naaangkop.

Anong mangyayari kung hindi ko kukumpletuhin ang Photo Check?

Kapag pinili mong hindi kumpletuhin ang Photo Check, isasara ang account mo makalipas ang 2 taon, alinsunod sa Privacy Policy ng Tinder. 

Maa-access mo pa rin ang impormasyon ng iyong account gamit ang Download My Data tool ng Tinder sa loob ng 2 taon, at pagkatapos nito, ang iyong data ay mabubura gaya ng nakalarawan sa seksyong "Gaano katagal namin pinapanatili ang impormasyon mo" ng Privacy Policy ng Tinder.

Matatanggap ba ng mga third party ang aking data?

Ibinabahagi lang ang Verification Data sa mga service provider ng Tinder kung kinakailangan para pamahalaan, i-troubleshoot, o tiyakin ang maayos na paggana ng aming Photo Check feature. Ligtas na nakaimbak ang Verification Data sa mga AWS server ng Tinder. 

Bahagi ng pamilya ng mga negosyo ng Match Group ang Tinder at maaari naming, tanging sa lawak na pinahihintulutan ng naaangkop na batas, ibahagi ang Verification Data sa aming mga Affiliate para gawing mas ligtas ang lahat ng Match Group services (gaya ng pagtukoy at pag-ban ng mga lumalabag na account). 

Mga Naninirahan sa US: Hindi kami "nagbebenta" o "nagbabahagi" ng Verification Data, ayon sa kung paano binibigyang kahulugan ang mga terminong ito ng naaangkop na batas sa privacy sa inyong estado.

Paano ko buburahin ang aking Verification Data?

Maaari mong tanggalin ang iyong Verification Data sa pamamagitan ng pagbura ng Tinder account mo sa settings page ng app o sa account portal. Buburahin ang data gaya ng inilarawan sa itaas at alinsunod sa Privacy Policy ng Tinder. Para higit na mas malaman kung paano burahin ang account mo, mangyaring bisitahin ang Burahin ang Iyong Tinder Account.

Kung naninirahan ka sa EEA o Switzerland, puwede mong burahin ang Verification Data mo sa iyong Tinder account Settings.

Bakit kailangan kong burahin ang aking account para matanggal ang aking Verification Data?

Ang Photo Verified Badge ng Tinder ay magandang paraan para tulungang maipakita sa mga potensyal na matches na ikaw talaga ang nasa mga litrato mo. Para masigurado na hindi maloloko o malilito ang mga user kung ang matches nila ay Photo Verified pa rin, at hindi makakagawa ng maraming account na labag sa aming Terms, hindi namin pinapayagan ang mga user na burahin ang kanilang Verification Data (na siyang magdi-disable ng Photo Verification) nang hindi rin nire-reset ang matches nila at magsimula ulit sa isang regular na hindi Photo Verified account. Ang rekisitong ito ay nilalayong maiwasan ang pag-abuso sa Photo Verified Badge, maipatupad ang Terms namin, at masigurado na ang ibang mga user ay kumpiyansa na ang kanilang matches ay patuloy na mayroong Photo Verified accounts. 

Kung nakatira ka sa EEA at buburahin mo ang iyong Verification Data, maaari naming ipaalam sa matches mo na wala ka nang Photo Verified status para mabawasan ang kalituhan at mapatibay ang kaligtasan, gaya ng agarang nakalarawan sa itaas.

Video Selfie Screenshots

Maaari mong hilingin ang pagbura ng dalawang screenshots mula sa video selfie mo sa pamamagitan ng pagsulat sa aming Community team dito. Anuman ang mangyari, ang impormasyong ito ay buburahin sa oras ng pagsasara ng account, alinsunod sa aming Privacy Policy.

Saang legal na awtoridad nakapailalim ang pag-proseso ng aking impormasyon?

Pinoproseso namin ang Verification Data nang may pahintulot mo.

Paano ko babawiin ang aking consent?

Maaari mong bawiin ang iyong consent sa pamamagitan ng pagbura ng iyong Verification Data tulad ng inilarawan sa itaas sa "Paano ko buburahin ang aking Verification Data?".

Paano ako makakahanap ng karagdagang information tungkol sa data practices ng Tinder, including my privacy rights? 

Pumunta sa aming Privacy Policy para matuto pa ng tungkol sa aming privacy practices, kasama na ang Your Rights section.

Ano ang iba pang pamberipikang features ang available sa Tinder?

Ang Photo Verification ay isa lamang feature sa hanay ng mga pamberipikang tools na ginagamit ng Tinder para tulungang mapahusay ang kaligtasan ng aming serbisyo. Kabilang sa ibang mga feature pamberipika, halimbawa, ang:

• Ang Photo Verification ay isang opsyonal na proseso na pinahihintulutan kang ipakita na kahit isa man lang sa iyong profile photos ay kamukha mo. Alamin pa. 
• Ang ID + Photo Verification ay isang opsyonal na proseso na pinahihintulutan kang ipakita na ang photo sa ID mo, at kahit isa sa profile photos mo, ay kamukha mo. Alamin pa.
• Ang Face Check™, sa mga lugar kung saan kinakailangan, ay hinihiling sa mga user na kumpletuhin ang biometric Face Check scan sa pamamagitan ng video selfie para makatulong gawing mas awtentikong lugar ang Tinder. Alamin pa.

Nagkaroon ka ba ng problema sa Photo Check o Photo Verification?

Kung nakakaranas ka ng problema sa pagkuha ng video selfie mo, maaari kang mag-exit sa Photo Check flow at magsimula ulit. Tingnan dito ang karagdagang mga panuto sa paggamit ng feature na ito. Kung makaranas ka ng anumang isyu o may feedback, huwag mag-atubiling makipag-uganyan sa amin.

Paano kung may iba pa akong tanong?

Contact us anytime!