Paano ako magiging Photo Verified?
Bakit rejected ang aking Photo Verification submission?
Kapag Photo Verified na ako, kailangan ko bang sumailalim ulit sa Photo Verification?
Ano ang Photo Verification?
Nagbibigay sa iyo ang Photo Verification ng pagkakataon na ipakita sa mga posibleng matches mo na kamukha mo talaga ang nasa mga photo mo. Para maging Photo Verified, magsusumite ka ng isang maikling video selfie na ikukumpara sa profile photos mo gamit ang teknolohiya ng facial recognition.
Hinihikayat ng mga feature gaya ng Photo Verification na makagawa ng mga mas matalinong pagpapasya sa Tinder, kaya pinapahalagahan namin ang iyong suporta sa pagpapanatili ng ligtas na space para makipag-ugnayan sa mga bagong tao! Gayunpaman, mangyaring unawain na bagama't ang asul na check mark ay maaaring maging senyales na ang isang tao ay kung sino ang ipinapakilala batay sa mga photo na ibinigay niya sa Tinder, hindi ito garantiya ng katotothanan ng impormasyong ibinahagi ng iba pang Tinder user, at hindi rin ito dapat ituring bilang kapalit sa iyong pinakamainam na paghuhusga (at marahil mas mahalaga, ang pagsunod sa aming mga inirekomendang Dating Safety Tips, kasama ang paggawa ng sarili mong pananaliksik sa isang posibleng match para kumpirmahin kung sila nga ang taong ipinakilala).
Paano ako magiging Photo Verified?
Para maging Photo Verified, kailangan mong gawin ang mga sumusunod na hakbang at magbigay ng kinakailangang maikling selfie video:
- Buksan ang Tinder at i-tap ang profile icon
- I-tap ang gray checkmark sa pangalan mo
- Pag nakita mo ang "Maging Verified", piliin ang Magpatuloy
- Kung hindi mo pa ito nagagawa, bigyan ng access ang Tinder sa camera mo
- Itapat ang iyong mukha sa oval at i-tap ang I'm Ready
- Sundan ang prompts sa screen para makapag-submit ng maikling video selfie
Ilang minuto lamang ang kailangan para maproseso ang iyong Photo Verification request. Kapag approved na, ipapaalam namin ito sa'yo at ilalagay namin ang Photo Verified checkmark sa profile mo.
Bakit rejected ang aking Photo Verification submission?
Ito ang ilan sa mga dahilan para dito:
- Hindi nakalagay ang mukha nang maayos sa frame na ibinigay
- Nahaharangan o nakatago ang mukha
- May kakulangan sa neutral na facial expression
- Hindi maliwanag o malinaw ang video
- Ang taong nasa video ay hindi match sa taong nasa Tinder profile photo(s)
Kapag Photo Verified na ako, kailangan ko bang sumailalim ulit sa Photo Verification?
Maaari kang kailanganin na muling sundin ang prosesong ito, kung nagbura ka ng isa o higit pang profile photos mo. Ang anumang bagong photo na i-u-upload mo pagkatapos mong maging Photo Verified ay sasailalim sa tuloy-tuloy na Photo Verification at maaaring maapektuhan ang Photo Verification status mo.
Kailangan mo ba ng karagdagang tulong?
Kung kailangan mo pa ng karagdagang tulong sa Photo Verification, i-contact kami.