ການອອກເດດແບບສອງຄູ່

ການອອກເດດແບບສອງຄູ່ເປັນຄຸນສົມບັດທີ່ມີໃຫ້ໃຊ້ງານເທິງ Android, iOS ແລະ ເວັບໄຊທ໌ ສຳລັບຜູ້ໃຊ້ໃນບາງພື້ນທີ່. ການອອກເດດແບບສອງຄູ່ຊ່ວຍໃຫ້ທ່ານ ແລະ ໝູ່ເພື່ອນສາມາດຈັບຄູ່ ແລະ ແຊັດກັບຄູ່ໝູ່ຄົນອື່ນໄດ້.

ການນຳໃຊ້ການອອກເດດແບບສອງຄູ່

ດ້ວຍການອອກເດດແບບສອງຄູ່, ທ່ານສາມາດສ້າງກຸ່ມໝູ່ສູງສຸດ 3 ຄູ່ ແລະ ປັດເພື່ອຫາການຈັບຄູ່ກັບຄູ່ໝູ່ຄົນອື່ນໄດ້. ໂປຣໄຟລ໌ການອອກເດດແບບສອງຄູ່ຈະສະແດງໃນໜ້າການຄົ້ນພົບເຊັ່ນດຽວກັນກັບໂປຣໄຟລ໌ປົກກະຕິແຕ່ແຕກຕ່າງກັນທີ່ໂປຣໄຟລ໌ຂອງທັງສອງຄົນໃນການອອກເດດແບບສອງຄູ່ຈະສະແດງຄູ່ກັນເພື່ອໃຫ້ທ່ານເບິ່ງ ແລະ ເລືອກຈັບຄູ່ໄດ້ງ່າຍຂຶ້ນ. 

ເມື່ອທ່ານຈັັບຄູ່ກັບຄູ່ໃນການອອກເດດແບບສອງຄູ່ອີກຄູ່, ກລະບົບຈະເປີດແຊັດສຳລັບາທັງ 4 ຄົນ. ຢູ່ນີ້ທ່ານສາມາດແຊັດກຸ່ມກັບຄູ່ໃນການອອກເດດແບບສອງຄູ່ທີ່ທ່ານໄດ້ຈັບຄູ່ກັນໄດ້. ທ່ານສາມາດປັັດເບື້ອງຂວາເພື່ອເລືອກລົມກັບໃຜຄົນໃດຄົນໜຶ່ງໃນຄູ່ທີ່ຈັບກັນ ແລະ ເປີດແຊັດສ່ວນຕົວເພື່ອເຊື່ອມຕໍ່ໂດຍກົງໄດ້.

ກະລຸນາຮັບຊາບ: ເນື່ອງຈາກຄຸນສົມບັດການອອກເດດແບບສອງຄູ່ຍັງຢູ່ໃນຊ່ວງທົດສອບ, ຄຸນສົມບັດພຣີມ້ຽມ ແລະ ສິດທິຜົນປະໂຫຍດຈາກການສະໝັກສະມາຊິກ (ເຊັ່ນ Boost ແລະ Super Likes) ຍັງບໍ່ສາມາດໃຊ້ຮ່ວມກັນໄດ້ໃນຂະນະນີ້.

ການຄົ້ນຫາການອອກເດດແບບສອງຄູ່

ການອອກເດດແບບສອງຄູ່ເປັນຄຸນສົມບັດຟຣີທີ່ກຳລັງຢູ່ໃນຊ່ວງທົດລອງໃຊ້ງານໃນບາງພື້ນທີ່. ຖ້າຄຸນສົມບັດນີ້ໃຊ້ໄດ້ໃນພື້ນທີ່ຂອງທ່ານ, ກະລຸນາປະຕິບັດຕາມຄຳແນະນຳຂ້າງລຸ່ມນີ້. ຄຳແນະນຳເຫຼົ່ານີ້ໃຊ້ໄດ້ກັບທຸກແພັດຟອມ:

1. ກົດໄອຄອນການອອກເດດແບບສອງຄູ່ເທິງໜ້າຈໍ ການຄົ້ນພົບ ຫຼື ຂໍ້ຄວາມຂອງທ່ານ
2. ເຊີນໝູ່ສູງສຸດ 3 ຄົນ ເພື່ອມາຈັບຄູ່ນຳກັນ
3. ເລີ່ມໃຊ້ຄຸນສົມບັດການປັດກັບການອອກເດດແບບສອງຄູ່ອື່ນໆໄດ້ເລີຍ

ສ້າງປະສົບການການອອກເດດແບບສອງຄູ່ທີ່ດີ

ພວກເຮົາຕ້ອງການໃຫ້ທຸກຄົນມີປະສົບການທີ່ດີໃນການໃຊ້ການອອກເດດແບບສອງຄູ່. ນີ້ແມ່ນສິ່ງທີ່ຄວນຄຳນຶງເຖິງ:

• ສິ່ງສຳຄັນແມ່ນເມື່ອນຳໃຊ້ Tinder ທັງທ່ານ ແລະ ໝູ່ຂອງທ່ານໃນການອອກເດດແບບສອງຄູ່ຄວນຮັບຊາບ ແລະ ປະຕິບັດຕາມ ຫຼັກປະຕິບັດຂອງຊຸມຊົນ ຂອງພວກເຮົາ. ຖ້າມີການລະເມີດນະໂຍບາຍໃດໆຂອງພວກເຮົາ ອາດມີການດຳເນີນການກັບບັນຊີຂອງ 1 ຫຼື ທັງສອງຄົນໃນການອອກເດດແບບສອງຄູ່.
• ຖ້າທ່ານ ຫຼື ໝູ່ຂອງທ່ານພົບພຶດຕິກຳທີ່ບໍ່ເໝາະສົມທັງໃນແອັບ ຫຼື ໃນຊີວິດຈິງ, ກະລຸນາລາຍງານເລື່ອງນີ້. ທ່ານສາມາດກວດເບິ່ງແຫຼ່ງຂໍ້ມູນກ່ຽວກັບການລາຍງານຂອງພວກເຮົາໄດ້ ບ່ອນນີ້.
• ທ່ານ ແລະ ໝູ່ຂອງທ່ານຕ້ອງມີອາຍຸຢ່າງຕໍ່າ 18 ປີເພື່ອນຳໃຊ້ Tinder.
• ເມື່ອແຊັດເປັນກຸ່ມທັງໃນແອັບ ຫຼື ໃນຊີວິດຈິງ ຄວນຂໍຄຳຍິນຍອມຈາກໝູ່ໃນການອອກເດດແບບສອງຄູ່ກ່ອນເວົ້າເຖິງຂໍ້ມູນສ່ວນຕົວ (ລວມເຖິງຂໍ້ມູນຕິດຕໍ່).
• ຖ້າທ່ານຕ້ອງການໂອ້ລົມເລື່ອງກ່ຽວກັບເພດ, ກະລຸນາແນ່ໃຈວ່າໄດ້ຮັບຄວາມຍິນຍອມຈາກທຸກຄົນໃນກຸ່ມແລ້ວ.

ປັບແຕ່ງປະສົບການການອອກເດດແບບສອງຄູ່ ຂອງທ່ານ

ບໍ່ວ່າທ່ານຈະຫຼີ້ນ Tinder ເພື່ອຊອກຫາການອອກເດດແບບສອງຄູ່ໃຫ້ກັບທ່ານ ແລະ ໝູ່ຂອງທ່ານ ຫຼື ບໍ່ຕ້ອງການເຫັນການອອກເດດແບບສອງຄູ່ເລີຍ, ທ່ານສາມາດກຳນົດເອງໄດ້. ການອອກເດດແບບສອງຄູ່ມີການຕັ້ງຄ່າຂອງຕົວເອງທີ່ໃຫ້ທ່ານປັບແຕ່ງປະສົບການໄດ້.

1. ເປີດ Tinder ແລະ ກົດໄອຄອນໂປຣໄຟລ໌ .
2. ກົດໄອຄອນການຕັ້ງຄ່າ .
3. ເລື່ອນລົງໄປຈົນພົບກັບໝວດໝູ່ "ການອອກເດດແບບສອງຄູ່"
4. ຢູ່ບ່ອນນີ້ທ່ານຈະໄດ້ພົບຕົວເລືອກຕ່າງໆ ເຊັ່ນ: ການເນັ້ນໂປຣໄຟລ໌ການອອກເດດແບບສອງຄູ່ໃຫ້ຫຼາຍກວ່າໂປຣໄຟລ໌ບຸກຄົນໃນການຄົ້ນພົບ ຫຼື ການເຊື່ອງ ໂປຣໄຟລ໌ການອອກເດດແບບສອງຄູ່ທັງໝົດ.