ການຢືນຢັນຕົວຕົນໂດຍໃຊ້ຮູບ

ການຢືນຢັນຕົວຕົນໂດຍໃຊ້ຮູບແມ່ນຫຍັງ? 

ຂ້ອຍຈະທຳການຢືນຢັນຕົວຕົນໂດຍໃຊ້ຮູບໄດ້ແນວໃດ?

ການສົ່ງຂໍ້ມູນການຢືນຢັນຕົວຕົນໂດຍໃຊ້ຮູບຂອງຂ້ອຍແມ່ນຖືກປະຕິເສດບໍ? 

ເມື່ອຮູບໄດ້ຮັບການຢືນຢັນແລ້ວ, ຂ້ອຍຈຳເປັນຕ້ອງຜ່ານການຢືນຢັນຕົວຕົນໂດຍໃຊ້ຮູບອີກຄັ້ງບໍ?

ການຢືນຢັນຕົວຕົນໂດຍໃຊ້ຮູບແມ່ນຫຍັງ? 

ການຢືນຢັນຕົວຕົນໂດຍໃຊ້ຮູບເປີດໂອກາດໃຫ້ທ່ານສະແດງໃຫ້ຜູ້ທີ່ອາດຈະເປັນຄູ່ເຫັນວ່າທ່ານເບິ່ງຄືໃນຮູບໂປຣໄຟລ໌ແທ້ໆ. ເພື່ອທຳການຢືນຢັນຕົວຕົນໂດຍໃຊ້ຮູບ, ທ່ານຈະຕ້ອງສົ່ງວິດີໂອເຊວຟີ້ສັ້ນໆທີ່ຈະຖືກປຽບທຽບກັບຮູບພາບໃນໂປຣໄຟລ໌ຂອງທ່ານໂດຍໃຊ້ ເຕັກໂນໂລຊີທີ່ຈົດຈຳໃບໜ້າ.

ຄຸນສົມບັດດັ່ງເຊັ່ນ ການຢືນຢັນຕົວຕົນໂດຍໃຊ້ຮູບຊ່ວຍສົ່ງເສີມການຕັດສິນໃຈທີ່ມີຄວາມຮອບຄອບຫຼາຍຂຶ້ນໃນ Tinder, ພວກເຮົາຈຶ່ງຂໍຂອບໃຈສຳລັບການສະໜັບສະໜູນຂອງທ່ານໃນການເຮັດໃຫ້ Tinder ເປັນຊຸມຊົນທີ່ປອດໄພຍິ່ງຂຶ້ນສຳລັບການພົບປະກັບຄົນໃໝ່ໆ! ແຕ່ກະລຸນາເຂົ້າໃຈວ່າແມ້ວ່າເຄື່ອງໝາຍຕິກສີຟ້າຈະສາມາດເປັນ ສັນຍານ ວ່າບຸກຄົນນັ້ນເປັນຢ່າງທີ່ພວກເຂົາກ່າວອ້າງຈາກຮູບທີ່ພວກເຂົາໃຫ້ Tinder, ແຕ່ບໍ່ໄດ້ເປັນການຮັບປະກັນຄວາມຖືກຕ້ອງຂອງຂໍ້ມູນທີ່ຜູ້ໃຊ້ງານ Tinder ຄົນອື່ນໃຫ້ໄວ້ ແລະ ບໍ່ຄວນຖືເປັນການແທນທີ່ການໃຊ້ວິຈາລະນະຍານທີ່ດີຂອງທ່ານ (ແລະ ສິ່ງທີ່ສຳຄັນກວ່ານັ້ນອາດເປັນການປະຕິບັດຕາມ ຄຳແນະນຳດ້ານຄວາມປອດໄພໃນການອອກເດດ, ລວມທັງການເຮັດຄົ້ນຄວ້າດ້ວຍຕົນເອງກ່ຽວຜູ້ທີ່ອາດຈະເປັນຄູ່ເພື່ອຢືນຢັນວ່າພວກເຂົາເປັນທີ່ຄົນທີ່ພວກເຂົາກ່າວອ້າງວ່າເປັນ).

ຂ້ອຍຈະທຳການຢືນຢັນຕົວຕົນໂດຍໃຊ້ຮູບໄດ້ແນວໃດ?

ເພື່ອທຳການຢືນຢັນຕົວຕົນໂດຍໃຊ້ຮູບ, ທ່ານຕ້ອງດຳເນີນການດັ່ງຕໍ່ໄປນີ້ ແລະ ສົ່ງວິດີໂອເຊວຟີ້ສັ້ນໆ ຕາມທີ່ກຳນົດ:

1. ເປີດ Tinder ແລະ ກົດ ໄອຄອນໂປຣໄຟລ໌ 
2. ກົດທີ່ເຄື່ອງໝາຍຕິກສີເທົາຂ້າງຊື່ຂອງທ່ານ 
3. ເມື່ອທ່ານເຫັນຂໍ້ຄວາມ "ຢືນຢັນຕົວຕົນ", ໃຫ້ເລືອກ ດຳເນີນການຕໍ່
4. ຖ້າຫາກທ່ານຍັງບໍ່ໄດ້ດຳເນີນການ, ໃຫ້ອະນຸຍາດ Tinder ເຂົ້າເຖິງກ້ອງຖ່າຍຮູບຂອງທ່ານ 
5. ຈັດໃບໜ້າຂອງທ່ານໃຫ້ຢູ່ໃນຂອບວົງມົນແລ້ວກົດ ຂ້ອຍພ້ອມແລ້ວ
6. ປະຕິບັດຕາມຄຳແນະນຳເທິງໜ້າຈໍ, ເພື່ອສົ່ງວິດີໂອເຊວຟີ້ສັ້ນໆ

ການດຳເນີນການຄຳຂໍຢືນຢັນຕົວຕົນໂດຍໃຊ້ຮູບຂອງທ່ານຈະໃຊ້ເວລາພຽງແຕ່ສອງສາມນາທີ. ເມື່ອໄດ້ຮັບການອະນຸມັດ, ພວກເຮົາຈະແຈ້ງໃຫ້ທ່ານຊາບ ແລະ ເພີ່ມເຄື່ອງໝາຍຖືກຢືນຢັນຕົວຕົນເຂົ້າໃນໂປຣໄຟລ໌ຂອງທ່ານ.

ການສົ່ງຂໍ້ມູນການຢືນຢັນຕົວຕົນໂດຍໃຊ້ຮູບຂອງຂ້ອຍແມ່ນຖືກປະຕິເສດບໍ? 

ຕໍ່ໄປນີ້ແມ່ນເຫດຜົນທົ່ວໄປບາງປະການສຳລັບກໍລະນີນີ້:  

• ໃບໜ້າບໍ່ໄດ້ຢູ່ໃນຕຳແໜ່ງທີ່ເດັ່ນຊັດພາຍໃນຂອບທີ່ກຳນົດໄວ້ 
• ໃບໜ້າຖືກບັງ ຫຼື ເບິ່ງເຫັນບໍ່ຊັດເຈນ 
• ຂາດການສະແດງອອກທາງສີໜ້າທີ່ເປັນປົກກະຕິ 
• ວີດີໂອບໍ່ແຈ້ງພຽງພໍ ແລະ/ຫຼື ບໍ່ຊັດເຈນ 
• ບຸກຄົນທີ່ຢູ່ໃນວີດີໂອບໍ່ກົງກັບບຸກຄົນທີ່ຢູ່ໃນຮູບໂປຣໄຟລ໌ Tinder

ເມື່ອຮູບໄດ້ຮັບການຢືນຢັນແລ້ວ, ຂ້ອຍຈຳເປັນຕ້ອງຜ່ານການຢືນຢັນຕົວຕົນໂດຍໃຊ້ຮູບອີກຄັ້ງບໍ?

ທ່ານອາດຕ້ອງດຳເນີນການນີ້ອີກຄັ້ງຫາກທ່ານລົບຮູບໂປຣໄຟລ໌ 1 ຮູບ ຫຼື ຫຼາຍກວ່ານັ້ນ. ຮູບໃໝ່ທຸກຮູບທີ່ທ່ານອັບໂຫຼດລົງຫຼັງຈາກໄດ້ຮັບການຢືນຢັນຕົວຕົນໂດຍໃຊ້ຮູບແລ້ວຈະຕ້ອງຜ່ານຂະບວນການຢືນຢັນຕົວຕົນໂດຍໃຊ້ຮູບຕໍ່ໄປ ແລະ ອາດສົ່ງຜົນຕໍ່ສະຖານະການຢືນຢັນຕົວຕົນໂດຍໃຊ້ຮູບຂອງທ່ານ. 

ຕ້ອງການຄວາມຊ່ວຍເຫຼືອເພີ່ມເຕີມຫຼືບໍ?

ຖ້າທ່ານຕ້ອງການຄວາມຊ່ວຍເຫຼືອເພີ່ມເຕີມກ່ຽວກັບການຢືນຢັນຕົວຕົນໂດຍໃຊ້ຮູບ, ຕິດຕໍ່ພວກເຮົາ.