ລົບບັນຊີ Tinder ຂອງທ່ານ

ເມື່ອທ່ານລົບບັນຊີ ໂປຣໄຟລ໌ Tinder ຂອງທ່ານຈະບໍ່ສາມາດເບິ່ງເຫັນໄດ້ໂດຍຜູ້ໃຊ້ອື່ນອີກຕໍ່ໄປ ແລະ ຂໍ້ມູນຂອງທ່ານຈະຖືກລົບອອກຕາມທີ່ລະບຸໄວ້ໃນ ນະໂຍບາຍຄວາມເປັນສ່ວນຕົວຂອງພວກເຮົາ. ຖ້າຫາກທ່ານຕ້ອງການຢຸດພັກແທນການລົບ, ກະລຸນາພິຈາລະນາ ການເຊື່ອງໂປຣໄຟລ໌ຂອງທ່ານ ແທນ.

ເພື່ອລົບບັນຊີຂອງທ່ານ, ກະລຸນາປະຕິບັດຕາມຂັ້ນຕອນເຫຼົ່ານີ້:

ລົບຈາກການຕັ້ງຄ່າຂອງ Tinder:

1. ເຂົ້າສູ່ລະບົບໃນແອັບ Tinder ຫຼື Tinder.com
2. ກົດທີ່ໄອຄອນໂປຣໄຟລ໌
3. ໄປທີ່ການຕັ້ງຄ່າ
4. ເລື່ອນລົງໄປທາງລຸ່ມສຸດ ແລະ ກົດ ລົບບັນຊີ

ລົບບັນຊີໂດຍການນຳໃຊ້ເຄື່ອງມືການຈັດການບັນຊີຂອງຂ້ອຍ:

1. ໄປທີ່ເຄື່ອງມື ການຈັດການບັນຊີຂອງຂ້ອຍ 
2. ລົງຊື່ເຂົ້າໃຊ້ໂດຍໃຊ້ຂໍ້ມູນເຂົ້າສູ່ລະບົບຂອງ Tinder
3. ກົດ ລົບບັນຊີ
4. ຢືນຢັນການລົບບັນຊີ

ການລົບບັນຊີ Tinder ຂອງທ່ານຈະເຮັດໃຫ້ຂໍ້ມູນຂອງທ່ານ ລວມເຖິງບັນດາຄູ່, ຂໍ້ຄວາມ ແລະ ຮູບທັງໝົດຂອງທ່ານຈະຖືກລົບຕາມ ນະໂຍບາຍຄວາມເປັນສ່ວນຕົວ ຂອງພວກເຮົາ. ກໍຕາມ, ຖ້າທ່ານໄດ້ລົບບັນຊີຂອງທ່ານ ພາຍໃນ 90 ວັນທີ່ຜ່ານມາ, ທ່ານອາດສາມາດສ້າງໂປຣໄຟລ໌ໃໝ່ ແລະ ກູ້ຂໍ້ມູນບາງສ່ວນຄືນເຊັ່ນ ຊື່, ອາຍຸ ແລະ ເພດຂອງທ່ານ ໂດຍການເຂົ້າສູ່ລະບົບດ້ວຍຂໍ້ມູນເກົ່າຂອງທ່ານ. 

ໝາຍເຫດ: ຄຸນສົມບັດການກູ້ຄືນບັນຊີພາຍໃນ 90 ວັນ ກຳລັງຢູ່ໃນຊ່ວງທົດລອງການໃຊ້ງານໃນ iOS, Android ແລະ tinder.com ໃນບາງຕະຫຼາດທີ່ຖືກເລືອກ ພ້ອມກັບມີແຜນທີ່ຈະຂະຫຍາຍໄປສູ່ພາກພື້ນອື່ນເພີ່ມເຕີມໃນອະນາຄົດ.

ຢ່າລືມວ່າ 

• ພຽງແຕ່ການລົບອອກ, ຖອນການຕິດຕັ້ງ, ຫຼື ການລຶບແອັບ Tinder ອອກຈາກໂທລະສັບຂອງທ່ານຈະບໍ່ລຶບບັນຊີ Tinder ຂອງທ່່ານ, ທ່ານຈະຕ້ອງປະຕິບັດຕາມຂັ້ນຕອນຂ້າງເທິງ.
• ການລົບບັນຊີຂອງທ່ານຈະບໍ່ຍົກເລີກການສະໝັກສະມາຊິກທີ່ຍັງໃຊ້ງານຢູ່.  
• ເມື່ອບັນຊີຂອງທ່ານຖືກລົບ, ທ່ານຈະບໍ່ສາມາດເຂົ້າເຖິງການດາວໂຫຼດຂໍ້ມູນຂອງທ່ານໄດ້ອີກຕໍ່ໄປ.
• ພວກເຮົາຊະລໍການລົບຂໍ້ມູນໂປຣໄຟລ໌ຂອງທ່ານອອກໄປເປັນເວລາ 90 ວັນ. ໄລຍະເວລາ 90 ວັນນີ້ຖືວ່າເປັນ "ຊ່ວງເວລາການເກັບຮັກສາຄວາມປອດໄພ" ເຊິ່ງຊ່ວຍໃຫ້ພວກເຮົາສາມາດເກັບຂໍ້ມູນທີ່ອາດຈຳເປັນສຳລັບການກວດສອບກິດຈະກຳທີ່ເປັນອັນຕະລາຍ ຫຼື ຜິດກົດໝາຍ ລວມເຖິງສະໜັບສະໜູນຄຸນສົມບັດການກູ້ຄືນບັນຊີພາຍໃນ 90 ວັນ.
• ຫຼັງຈາກ 90 ວັນ, ພວກເຮົາຈະລົບຂໍ້ມູນໂປຣໄຟລ໌ຂອງທ່ານຕາມມາດຕາ 9 ຂອງນະໂຍບາຍຄວາມເປັນສ່ວນຕົວຂອງພວກເຮົາ.