အကောင့်ပြန်လည်ရယူရန်

သင့်အကောင့်ကို ဖျက်လိုက်ပြီးမှ ပြန်လည်အသုံးပြုလိုပါသလား။ ဤနည်းဖြင့် ပြန်လည်အသုံးပြုနိုင်ပါသည်။

ရက် 90 အတွင်း အကောင့်ပြန်လည်ရယူရန်

လွန်ခဲ့သော ရက် 90 အတွင်း သင့်ပရိုဖိုင်ကို ဖျက်ခဲ့ပါက ယခင်က သုံးထားသော အချက်အလက် အထောက်အထားများဖြင့် Tinder အကောင့်သစ် ဖွင့်၍ သင့်ပရိုဖိုင်ကို ပြန်လည်ဖန်တီးနိုင်ပြီး သင့်အမည်၊ အသက်၊ ဂျန်ဒါစသော ပရိုဖိုင် အချက်အလက်အချို့ကို ပြန်လည်ရယူနိုင်ပါသည်။ 

ရက် 90 ပြည့်ပြီးနောက် အကောင့်ပြန်လည်ရယူရန်

သင့်ပရိုဖိုင်ကို လွန်ခဲ့သော ရက်ပေါင်း 90 ကျော်က ဖျက်ပစ်ခဲ့ပါက အကောင့်သစ် ဖွင့်၍ အစမှ ပြန်စရပါလိမ့်မည်။ 

ပြန်လည် မရယူနိုင်သော အရာများ

သင့်အကောင့်ကို ဖျက်လိုက်သည်နှင့် သင့်မက်ဆေ့ချ်များ၊ စုံတွဲများ၊ ဓာတ်ပုံများနှင့် အတည်ပြု ဘဲ့ဂျ် (ရှိပါက) တို့ကို ပြန်ရယူနိုင်မည် မဟုတ်ပါ၊ ရက် 90 အတွင်း အကောင့်ပြန်ဝင်လျှင်ပင် ထိုအချက်အလက်များကို ပြန်မရနိုင်တော့ပါ။

မျက်နှာသွင်ပြင် စစ်ဆေးမှု လုပ်ငန်းစဉ်ကို ထပ်မံ ပြီးမြောက်အောင် လုပ်ဆောင်ရန် လိုအပ်ပါသလား။

သင့်နေထိုင်သည့် ဒေသ သို့မဟုတ် Tinder ကို ဝင်ရောက်သုံးစွဲသည့် ပလက်ဖောင်းက မျက်နှာသွင်ပြင် စစ်ဆေးမှု လုပ်ဆောင်ရန် လိုအပ်သည်ဟု သတ်မှတ်ထားမှသာ ဤအပိုင်းက သင့်အတွက် အကျုံးဝင်ပါသည်။ 

သင့်အကောင့်ကို ဖျက်ပြီးနောက် ရက် 30 အတွင်း ယခင်က အချက်အလက်အထောက်အထားများကို သုံး၍ Tinder တွင် အကောင့်ဖွင့်ခဲ့ပါက မျက်နှာသွင်ပြင် စစ်ဆေးမှုကို ထပ်မံ ပြီးမြောက်အောင်လုပ်ဆောင်ရန် လိုအပ်မည်မဟုတ်ပါ။ ထိုအစား သင်၏ မျက်နှာသွင်ပြင် စစ်ဆေးမှု အခြေအနေကို အတည်ပြုပေးရန်၊ ပုံတူပွား အကောင့်များ ရှိမရှိ စစ်ဆေးပေးရန်နှင့် သင့်ပရိုဖိုင်ဓာတ်ပုံအသစ်များကို အတည်ပြုပေးရန် သင်၏ သိမ်းဆည်းထားသော အတည်ပြုမှု ဒေတာကို သုံးစွဲသွားပါမည်။ သင်၏ သိမ်းဆည်းထားသော FaceMap နှင့် သင့်ပရိုဖိုင်ဓာတ်ပုံအသစ်များတွင် ပါရှိသော မျက်နှာတို့သည် ကိုက်ညီမှုရှိပါက ဓာတ်ပုံ အတည်ပြုပြီး ဘဲ့ဂျ်ကို ရရှိပါမည်။

ရက် 30 ကျော်ပြီးနောက် အကောင့်တွင်း ဝင်ရောက်လျှင် သင်၏ အကောင့်သစ်အတွက် မျက်နှာသွင်ပြင် စစ်ဆေးမှု လုပ်ငန်းစဉ်ကို ထပ်မံ ပြီးမြောက်အောင် လုပ်ဆောင်ရန် တိုက်တွန်းသွားပါမည်။ ဤသို့လုပ်ဆောင်ရခြင်းမှာ သင့်အကောင့် ပိတ်သိမ်းပြီးနောက် ရက် 30 အတွင်း သင်၏ အတည်ပြုမှု ဒေတာကို ဖျက်သိမ်းပေးသောကြောင့် ဖြစ်သည်။

မျက်နှာသွင်ပြင် စစ်ဆေးမှုအကြောင်းကို ဤနေရာတွင် ပိုမိုလေ့လာနိုင်ပါသည်။

သင်၏ ဝယ်ယူမှုကို ပြန်လည်ရယူရန်

ယခင်အကောင့်၌ ရယူထားသော ဝန်ဆောင်မှု ပုံမှန်ရယူမှုများ ရှိခဲ့ပါက အဆိုပါဝယ်ယူမှုများကို ပြန်လည်ရယူနိုင်ရန်အတွက် ကျွန်ုပ်တို့၏ အကူအညီပေးရေးစင်တာတွင် ဖော်ပြထားသော အဆင့်များအတိုင်း လုပ်ဆောင်ပါ။ 

ဝယ်ယူမှုများကို ပြန်လည်ရယူရာတွင် အခက်တွေ့နေပါသလား။ ချွတ်ယွင်းချက် ရှာဖွေဖြေရှင်းနည်းများကို ဤနေရာတွင် ရယူနိုင်ပါသည်။

ကျွန်ုပ်တို့၏ ဒေတာထိန်းသိမ်းရေးမူဝါဒ

သင့်အကောင့်ကိုပိတ်လိုက်လျှင် အခြားသူများက သင့် Tinder ပရိုဖိုင်ကို မြင်တွေ့ရမည် မဟုတ်တော့သည့်အပြင် လုံခြုံရေးမူဝါဒအရ သင့်ဒေတာများကို ဖျက်ပစ်မည် ဖြစ်ပါသည်။ အကောင့်ဖျက်ပြီး ရက် 90 ပြည့်သည်အထိ "ဘေးကင်းလုံခြုံရေးအရ ထိန်းသိမ်းထားသော ကာလအပိုင်းအခြား" အဖြစ် သင့်ဒေတာများကို ဆက်လက်ထိန်းသိမ်းထားမည်ဖြစ်ပြီး ဤကာလအပိုင်းအခြားအတွင်း သင့်အကောင့်ကို ပြန်လည်ဖန်တီးပါက ရက် 90 အတွင်း အကောင့်ပြန်လည်ရယူရေး လုပ်ဆောင်ချက်ကို အသုံးပြု၍ ပြန်လည်ဖန်တီးနိုင်စေရန်အတွက် ထိန်းသိမ်းထားခြင်းဖြစ်ကြောင်း သတိပြုစေလိုပါသည်။ ရက် 90 ပြည့်ပြီးချိန်၌ လုံခြုံရေးမူဝါဒအရ သင့်ဒေတာအများစုကို ဖျက်ပစ်ပါမည်။ ပိုမိုသိရှိလိုပါက ကျွန်ုပ်တို့၏ လုံခြုံရေးမူဝါဒ အပိုဒ် 9 ကို လေ့လာနိုင်ပါသည်။