Argazkietan oinarritutako iradokizunak

Merkatu batzuetan, Tinder-en erregistratzen zarenean edo zure profila editatzen duzunean, guk zure galeria aztertzea aukera dezakezu, zure profila azkarrago konfiguratzen Laguntza emateko. Zure argazkietatik ikasten duguna agian gehitu nahiko dituzun argazkiak, biografiak eta datu xelebreak iradokitzeko erabiltzen dugu. Zeuk duzu kontrol osoa; ezer ez da gehituko profilean zuk nahi izan ezean.

Zer dira argazkietan oinarritutako iradokizunak?

Onartzen duzunean, zure gailuko galeria zuzenean gailuan aztertuko dugu, argazkien kalitatea eta edukia analizatzeko.  Horrek Tinder-en esperientzia eta profil pertsonalizatuagoa izaten laguntzen dizu. Horrek barne hartzen du:

• Argazkien iradokizun pertsonalizatuak: agian profilean gehitu nahiko dituzun argazkiak iradokituko ditugu. Iradokizun hauek ondo funtzionatu ohi duten argazki motei buruz dakigunean oinarritzen dira, eta zure galerian identifikatutako ereduen eta datuen arabera pertsonalizatzen dira. Baliteke datu biometrikoak zure gailuan prozesatzea, argazkien iradokizunetan zu agertzen zarela ziurtatzen laguntzeko. Tinder-ek ez du prozesu honetatik datozen datu biometrikorik eskuratzen, jasotzen edo bestelako moduan prozesatzen. Zuk aukeratuko dituzu profilera kargatu nahi dituzun argazkiak. Zure baimenik gabe, ez dugu argazkirik gehituko zure profilean.
• Profil pertsonalizatuaren konfigurazioa: profila konfiguratzean eginbide hau erabilgarri badago, zure argazkietatik ikasten duguna profilera gehitu ditzakezun interesak iradokitzeko ere erabiliko dugu, baita "Nor naiz?" atalerako gai potentzialak eta zure profila osatzeko erabil ditzakezun datu xelebreak iradokitzeko ere. Zuk aukeratzen dituzu zure profilean gehitzen diren interesak eta edukiak.

Nola erabiltzen dira zure datuak?

Galeriaren azterketaren parte gisa, zure argazki batzuk aldi baterako Tinder-en zerbitzarietara igotzen dira, eta gure AA bidezko teknologiaren hornitzailearekin partekatzen dira, zure argazkietan dauden gaiak eta patroiak identifikatzen laguntzeko.

Zure argazkietako datuak Tinder-ek zure esperientzia pertsonalizatzeko eta besteekin hobeto konektatzen laguntzeko erabiliko dira. Baliteke guk datu horiek aztertzea ere, eginbidea hobetzen laguntzeko.

Argazkiak eta bestelako iradokizunak

Galeria aztertzea aukeratzen baduzu, azterketa bat egingo dugu gailuan bertan, zer-nolako argazkiak eduki ohi dituzun ulertzeko (hala nola lehen planoak, gorputz osoko argazkiak, taldeko argazkiak, bidaietako argazkiak, maskoten argazkiak…). Horretarako, argazkietako patroi bisualak aztertzen dituen teknologia automatizatua darabilgu. Patroi horietan eta Tinder-en errendimendu ona duenari buruz dakigunean oinarrituta, argazki jakin batzuk Tinder-era kargatzen dira, eta agian profilean gehitu nahiko dituzun argazki batzuk gomendatzen dizkizugu. Argazki argi eta askotarikoak hautatzen laguntzea da helburua, zure alderdi ezberdinak erakusteko. Igotako argazkiak berehala ezabatzen dira, zure profilera gehitzen ez badituzu. Halaber, zure argazkietatik lortutako datuak erabiltzen ditugu zure biografian agian gehitu nahiko dituzun interesak edo gaiak iradokitzeko. Zuk nahi izan ezean, argazkiak eta iradokizunak ez dira gehituko profilean; zeuk duzu kontrol osoa.

Kasu batzuetan, baliteke kulturari, erlijioari, politikari, bizimoduari edo potentzialki kontuzkoak diren beste gai batzuei egitea erreferentzia argazkien edo bestelako iradokizunek, argazkietan identifikatzen diren patroien arabera. Zuk erabaki dezakezu hauek zure profilean gehitu ala ez, eta nahi duzunean egunera ditzakezu gehitu dituzun profileko argazkiak, biografiak edo interesak profila editatzeko ezarpenetan.

Nola erabiltzen dira datu biometrikoak argazkien iradokizunetarako?

Galeriaren azterketa gaitzen duzunean, gailuan bertan datu biometrikoak prozesatzea baimentzen duzu, zure argazkiak aurkitu eta iradokitzeko. Honen funtzionamendua merkatuaren arabera aldatzen da. Irakurri behean zure datuak prozesatzeko moduari buruzko xehetasun gehiago lortzeko. Kasu guztietan, prozesamendua zure gailuan bertan gertatzen da osorik. Tinder-ek ez du galeria aztertzeko eginibideko datu biometrikorik eskuratzen, partekatzen edo bestela prozesatzen. 

Profil-argazki bat iradokitzea edo bideo selfie bat egitea 

Profileko argazki egoki bat gomendatuko dizugu, halakorik baduzu. Tinder-ek pribatutasuna babesten duen tresna bat erabiltzen du profileko argazkien artean aurpegi-itxura duen bat hautemateko, datu biometrikoak sortu edo zure aurpegiaren ezaugarriei buruzko xehetasunak bildu gabe. Prozesu osoa gailuan bertan gertatzen da. 

Bestela, baliteke selfie bat ateratzeko aukera izatea. Hori egiten baduzu, zure selfiea erabiliko dugu galerian argazkiak identifikatzeko, atal honetan azaltzen den bezala. Eginbide honetatik irteten zarenean, selfiea ezabatu egiten da gailutik. 

Profileko argazkian edo selfiean oinarrituta sortzen dira datu biometrikoak eta, ondoren, galeriako argazkiekin konparatzen. Tinder-ek ez ditu biltzen, gordetzen, atzitzen edo beste edonola jasotzen zure selfiearekin, profileko argazkiekin edo galeriako argazkiekin sortutako datu biometrikoak. Horren ordez, gailuan bertan gertatzen da dena, eta eginbide honen parte gisa erabilitako datu biometrikoak gailutik ezabatzen dira eginbidetik irtetean.

Galeriako erreferentziazko argazki bat erabiltzea 

Merkatu batzuetan, baliteke galeriatik zure buruaren erreferentziazko argazki bat identifikatzeko aukera izatea. Horretarako, galeria aztertzea aukeratzen duzunean, zure galeriako argazkietan agertzen diren antzeko aurpegiak taldekatuko dira, eta zurea zein den baieztatzeko eskatuko zaizu. Prozesu osoa gailuan bertan gertatzen da. Argazki batean agertzen dena zeu zarela baieztatzen duzunean (datu biometrikotzat har daitekeen aurpegiaren erreferentzia), zure galeriaren argazkiekin alderatzen da zu erakusten zaituzten argazkiak identifikatzen laguntzeko. Aurpegiaren erreferentzia zure gailuan gordetzen da etorkizunean azkarrago aztertu ahal izateko. Aurpegiaren erreferentzia Tinder-en saioa amaitzen duzunean ezabatzen da, eta edozein unetan berrezarri eta ezaba dezakezu honela:

1. Joan ezarpenetara
2. Egin behera eta bilatu Argazkien iradokizunak
3. Sakatu Gordetako aurpegiaren erreferentzia eta hautatu Ezabatu aurpegiaren erreferentzia

Oharra: Australian dauden erabiltzaile batzuentzat, erregistratze-prozesuan, galeriako argazkietan agertzen diren antzeko aurpegiak multzokatu egiten dira, eta gehien agertzen den aurpegia automatikoki erabiltzen da aurpegiaren erreferentzia bat sortzeko; hori datu biometrikotzat har daiteke, eta horrek sortzen ditu zure argazki-iradokizunak. Iradokitako argazki batek ez badu zure itxura, sakatu "Ez zara zu?" beste aurpegi batera aldatzeko, edo jarraitu eskuzko prozesua zure argazkiak aukeratzeko. Erregistratze-prozesua amaitutakoan, aurpegiaren erreferentzia gordeta geratzen da saioa itxi edo goian azaldu bezala ezarpenetan ezabatu arte. 

Mugak

Iradokizunak sortzeko teknologia lagungarria izateko diseinatuta dago, eta gure Erabilera-baldintzak edo Komunitateko arauak urratu ditzaketen argazkiak edo iradokizunak kanpoan uzteko, baina teknologia ez da % 100 zehatza. Baliteke noizean behin zure hobespen pertsonalekin bat ez datozen argazkiak iradokitzea, edo zure bizimoduarekin lotutako gairen bat gaizki interpretatzea. Gogoan izan: tresna honek zu laguntzeko helburua duen arren, zeu zara profilean gehitzeko aukeratzen dituzun argazkien eta informazioaren erantzule bakarra; ziurtatu gure Erabilera-baldintzak, Komunitateko arauak eta tokiko legeak gordetzen dituztela.

Halaber, kontuan izan:

• Egokitasuna: ez badaukazu nahikoa argazkirik, baliteke argazkien eta bestelako iradokizunak erabilgarri ez egotea. Galeria aztertzea erabakitzen baduzu baina ez badaukazu nahikoa argazkirik, aldian-aldian argazki berriak bilatuko ditugu galerian, egokitasun-baldintzak betetzeko argazki nahikoak dauden jakiteko. Profila erregistratzean konfiguratzen ari bazara eta ez badaukazu nahikoa argazkirik, eskuz edita dezakezu profila.
• Azterketaren jarraitutasuna: azterketa eten egiten bada, appa irekitzen duzun hurrengoan berrekingo zaio, osatzen den arte.
• Berriro aztertzea: galeria berriro aztertzea aukeratzen baduzu, aurreko iradokizunak ezabatu egingo dira, eta azterketa berrieneko iradokizunekin ordeztuko.

Eginbidea ez erabiltzea aukeratzea edo datuak ezabatzea

Zeuk duzu zure profilean agertzen denaren kontrola. Halaber, galeria ez aztertzea aukera dezakezu.

• Iradokitako argazkiak: aukeratzen dituzun argazki iradokiak bakarrik gehitzen dira profilean. Nahi duzunean kendu ahalko dituzu iradokitako argazkiak profila editatzeko ezarpenetan.
• Galeriaren inguruko baimenak: galeriarako sarbidea doitu edo kentzeko, joan gailuaren sistemaren ezarpenetara.
• Erregistratzean: galeria aztertzeko urratsa guztiz salta dezakezu, eta iradokitako argazkiak, biografia, datu xelebreak, gaiak, interesak edo bestelako profileko iradokizunak ez erabiltzea erabaki dezakezu.
• Erregistratu ondoren: nahi duzunean kendu ahalko dituzu iradokitako argazkiak, interesak, biografia edo datu xelebreak profila editatzeko ezarpenetatik.

Laguntza gehiago

Laguntza gehiago behar baduzu,idatz iezaguzu xehetasun gehiago emateko, eta atseginez lagunduko dizugu.

Gure pribatutasun-jardunbideei eta zure eskubideei buruzko informazio gehiago lortzeko, irakurri gure Pribatutasun-gidalerroak . Halaber, zure datuen kopia bat eskatzeko argibideak lor ditzakezu.