Paano humingi ng kopya ng aking personal data?

Dito sa Tinder, committed kami sa pagprotekta ng iyong data and privacy, pati na rin sa pagbibigay ng access sa impormasyong ibinigay mo sa'min.

Paano hilingin ang data mo

1. Bisitahin ang aming Manage My Account na Tool at mag-log in. 
2. Tapikin ang “I-download ang Impormasyon Ko”
3. Tukuyin ang email address kung saan mo gustong makatanggap ng download link.
4. Tapikin ang “Isumite”

Pagkatapos mong isumite ang iyong hiling, mag-e-email kami sa iyo ng download link sa loob ng ilang araw. Para protektahan ang privacy at seguridad mo, mawawalan ng bisa ang link na ito 24 oras pagkatapos maipadala ang email. Kung hindi mo na-access ang iyong data sa loob ng oras na iyon, puwede mong muling isumite ang iyong hiling.

Paano i-download ang data mo

1. Buksan ang email mula sa amin na ipinapaalam sa iyo na handa na ang data mo.
2. Tapikin ang download link sa email para i-save ang ZIP file.
3. I-extract ang ZIP file.
4. Buksan ang index.html file para makita ang data mo sa isang browser.

Pag-unawa sa data file mo

Matapos i-unzip ang download mo, makakakita ka ng folder na naglalaman ng personal data mo. Sa loob ng folder, maaari kang makakita ng index.html file, isang madaling maintindihang bersyon ng idinownload mong data. Buksan ang file na ito sa browser mo para masiyasat ang iyong data. Maaari ka ring makakita ng istrukturado at machine-readable na bersyon ng data mo sa JSON format. 

Maaaring may kasamang impormasyon ang download mo tungkol sa:

• Account at impormasyon sa profile
• Preferences at settings
• Mga photo at iba pang media na in-upload mo
• Messaging activity
• Swipe at match activity
• Purchase at impormasyon sa subscription
• Mga kaakibat na serbisyo (hal. Spotify)
• Paggamit at teknikal na data

Karamihan sa impormasyong matatanggap mo sa pamamagitan ng ‌tool na ito ay matatagpuan na rin sa app, tulad ng iyong email address, phone number, profile photo(s), messages, at preferences. 

Maaaring mag-iba ang data sa download mo depende sa naging paraan ng paggamit mo sa Tinder. Kung may seksyon na lumitaw na walang laman sa download mo, nangangahulugan na walang data para sa naturang kategorya sa account mo. Hindi isasama sa iyong file ang ilang uri ng impormasyon—gaya ng data na binura mo (na pinapawi alinsunod sa aming Privacy Policy) o impormasyong maaaring makaapekto sa privacy o kaligtasan ng ibang tao.

Paano hilingin ang iyong data kung hindi mo ma-access ang iyong account

Kung binura mo na ang Tinder account mo, hindi mo na maa-access ang Manage My Account na Tool, dahil wala ka nang account sa Tinder. 

Kung binura mo ang iyong account o hindi makapag-sign in, maaari kang mag-sumite ng kahilingan para maka-access ng data tulad ng sumusunod:

1. Puntahan ang aming form para sa kahilingan kaugnay ng privacy
2. Sa ilalim ng "Ano ang nais mong malaman?", piliin ang "Mayroon akong iba pang tanong tungkol sa data ko."
3. Sa patlang na “Description”, isama ang mga detayle ng kahilingan mo
4. Piliin ang “Report”

Mangyaring magbigay ng email address na maaari naming kontakin. Kung ikaw ay Tinder user, isama ang email na nauugnay sa account mo. Puwede ka ring magsama ng mga attachment para matulungan kaming tumugon.

Para sa proteksyon mo at ng lahat ng aming mga member, maaari kaming humingi sa iyo ng impormasyon para beripikahin ang iyong pagkakakilanlan o kapasidad na kumilos sa ngalan ng isang member bago namin tugunan ang hiling mo.

Mga tanong tungkol sa data mo

Kung kailangan mo ng tulong o may mga tanong ka tungkol sa data na matatanggap mo, maaari kang magsumite ng hiling gaya ng inilarawan sa itaas. Maaari ka ring tumugon sa email na natanggap mo mula sa aming Support team tungkol sa iyong pag-export ng data. 

Paalala: Para sa impormasyon tungkol sa kung paano makipag-ugnayan sa Data Protection Office ng Tinder, tingnan ang FAQ dito.