Photo-Based Suggestions

Sa ilang market, pwede mong piliing ipa-scan sa amin ang camera roll mo kapag nag-sign up ka sa Tinder o kapag in-edit mo ang profile mo para matulungan kang mas mabilis na i-set up ang profile mo. Ginagamit namin ang natututunan namin mula sa photos mo para mag-suggest ng mga photo, bio, at prompt na baka gusto mong idagdag. Ikaw pa rin ang may kontrol — walang idadagdag sa profile mo maliban kung piliin mo itong idagdag.

Ano ang mga photo-based suggestion?

Kapag nag-opt in ka, direktang isa-scan sa device mo ang camera roll mo para i-analyze ang quality at content ng photos.  Nakakatulong ito para mabigyan ka ng mas personalized na profile at experience sa Tinder. Kabilang dito, halimbawa ang:

• Personalized Photo Suggestions: Magsa-suggest kami ng photos na baka gusto mong idagdag sa profile mo. Nakabatay ang mga suggestion na ito sa nalalaman namin tungkol sa uri ng photos na kadalasang may magandang performance, na naka-personalize sa patterns at insights tungkol sa ’yo na natukoy sa camera roll mo. Maaaring i-process ang biometric data sa device mo para makatulong na masiguradong kasama ka sa mga photo suggestion. Hindi ina-access, tinatanggap, o pino-process ng Tinder ang anumang biometric data mula sa process na ito. Ikaw ang pipili kung aling mga photo ang gusto mong i-upload sa profile mo. Hindi kami magdadagdag ng photos sa profile mo nang walang pahintulot mo.
• Personalized Profile Set-up: Kung available ang feature na ito habang sine-set up ang profile, gagamitin din namin ang natututunan namin mula sa photos mo para mag-suggest ng mga interest na pwedeng idagdag sa profile mo, pati na rin ng mga posibleng topic para sa “About Me” mo at mga prompt na pwede mong gamitin para buuin ang profile mo. Ikaw ang pipili kung anong mga interest at content ang idadagdag sa profile mo.

Paano ginagamit ang data mo

Bilang bahagi ng pag-scan ng camera roll, pansamantalang ina-upload sa mga server ng Tinder ang ilan sa photos mo at sine-share sa AI technology provider namin para makatulong na matukoy ang themes at patterns sa mga photo mo.

Ang insights mula sa mga photo mo ay gagamitin para tulungan ang Tinder na i-personalize ang experience mo at mas maayos kang i-connect sa iba. Maaari din naming suriin ang insights na ito para matulungan kaming mapahusay ang feature.

Photo at iba pang suggestions

Kung piliin mo na sumailalim sa pag-scan ng camera roll, nagsasagawa kami ng on-device scan para maunawaan kung anong klase ng mga photo ang karaniwang mayroon ka, gaya ng mga close-up, full-body shot, photo kasama ng grupo, o mga theme gaya ng travel o pets. Ginagawa namin ito sa pamamagitan ng paggamit ng automated technology na nag-aanalyze ng visual patterns sa mga photo mo. Batay sa mga pattern na ito at sa nalalaman namin tungkol sa kung ano ang may magandang performance sa Tinder, ina-upload sa Tinder ang piling set ng mga photo at nagsa-suggest kami ng ilang photo na baka gusto mong idagdag sa profile mo. Layunin nitong matulungan kang makapili ng malinaw at magkakaibang mga photo na nagpapakita ng buong personality mo. Agad na binubura ang mga na-upload na photo maliban kung idagdag mo ang alinman sa iyong profile. Ginagamit din namin ang insights mula sa mga photo mo para mag-suggest ng mga interest o topic na baka gusto mong idagdag sa bio mo. Walang idinadagdag na mga photo o iba pang suggestion sa iyong profile maliban kung gusto mo — ikaw ang may kontrol.

Sa ilang pagkakataon, maaaring tumukoy ang photo o iba pang mga suggestion sa mga theme na may kaugnayan sa kultura, relihiyon, pulitika, lifestyle, o iba pang potentially sensitive na topic batay sa patterns na natukoy mula sa mga photo mo. Ikaw ang pipili kung idadagdag mo ang mga ito sa profile mo, at pwede mong i-update anumang oras ang (mga) profile photo, bio, o interest na idinagdag mo sa iyong Edit Profile settings.

Paano ginagamit ang biometric data sa Photo Suggestions?

Kapag nag-opt in ka sa pag-scan ng camera roll, ine-enable mo ang on-device processing ng biometric data para mahanap at ma-suggest ang mga photo mo. Nag-iiba depende sa market kung paano ito gumagana. Basahin sa ibaba ang iba pang details tungkol sa kung paano pino-process ang data mo. Sa bawat pagkakataon, sa device mo lang nangyayari ang processing - walang biometric data mula sa camera roll scanning feature ang ina-access, sine-share, o pino-process sa ibang paraan ng Tinder. 

Pag-suggest ng profile photo o pagkuha ng video selfie 

Magsa-suggest kami ng angkop na profile photo para gamitin mo, kung mayroon ka. Gumagamit ang Tinder ng privacy-preserving tool para matukoy kung alin sa mga profile photo mo ang may outline ng mukha, nang hindi bumubuo ng kahit anong biometric data o nangongolekta ng details tungkol sa mga katangian ng mukha mo. Nangyayari ang buong process na ito sa device mo. 

Bilang alternative, maaaring magkaroon ng option na kumuha ng selfie. Kung gagawin mo ito, gagamitin namin ang selfie mo para matukoy ang mga photo mo sa iyong camera roll, gaya ng inilarawan sa section na ito. Binubura ang selfie mo kapag pinili mong hindi na gamitin ang feature na ito. 

Ang biometric data ay binubuo gamit ang profile photo o ang selfie mo, at pagkatapos, ikukumpara ito sa photos sa iyong camera roll. Ang Tinder ay hindi nangongolekta, nagtatabi, kumukuha ng access o tumatanggap ng anumang biometric data na nabuo mula sa iyong selfie, profile photo, o photos sa camera roll mo. Sa halip, nangyayari lang ang lahat ng ito sa device mo, at ang biometric data na ginamit bilang parte ng feature na ito ay binubura mula sa device mo pagkatapos mong mag-exit sa feature.

Paggamit ng reference photo mula sa camera roll mo 

Sa ilang market, maaari kang magkaroon ng option na tumukoy ng reference photo mo mula sa iyong camera roll. Para gawin ito, kapag nag-opt in ka sa pag-scan ng camera roll, pagsasama-samahin ang mga magkakahawig na mukha sa mga photo sa camera roll mo, at hihilingin sa ’yo na kumpirmahin kung alin ang nagre-represent sa ’yo. Nangyayari ang buong process sa device mo. Kapag kinumpirma mong ikaw ang nasa photo, ang face reference, na maaaring ituring na biometric data, ay ikukumpara sa mga photo sa camera roll mo para makatulong sa pagtukoy ng mga photo mo at naka-store locally sa device mo para mas mabilis ang mga susunod na pag-scan. Buburahin ang Face Reference mo kapag nag-log out ka sa Tinder, at pwede mo itong i-reset at burahin anumang oras sa pamamagitan ng sumusunod:

1. Pumunta sa Settings
2. Mag-scroll at hanapin ang Photo Suggestions
3. I-tap ang Naka-store na Face Reference at piliin ang Burahin ang Face Reference

Note: Para sa ilang user sa Australia, habang nag-oonboard, ginu-group ang magkakamukha sa mga photo sa camera roll mo, at ang mukha na pinakamadalas lumabas ang automatic na gagamitin para gumawa ng face reference, na maaaring ituring na biometric data, na gagamitin para mag-generate ng mga photo suggestion mo. Kung hindi kamukha mo ang isang suggested photo, pwede mong i-tap ang "Hindi ikaw?" para lumipat sa ibang mukha, o dumaan sa manual flow para ikaw mismo ang pumili ng mga photo mo. Kapag natapos mo na ang onboarding, mase-save ang Face Reference hanggang sa mag-log out ka o i-delete mo ito sa Settings, gaya ng inilarawan sa itaas. 

Mga Limitasyon

Dinisenyo ang technology na ginagamit para gumawa ng mga suggestion para makatulong at hindi magsama ng mga photo o suggestion na maaaring lumabag sa aming Terms of Use o Community Guidelines, pero hindi 100% accurate ang technology. Paminsan-minsan, maaari itong mag-suggest ng mga photo na hindi tugma sa personal preference mo o magkamali sa pag-interpret ng isang lifestyle theme. Tandaan, bagama’t nilalayon ng tool na ito na tulungan ka, ikaw pa rin ang may responsibilidad sa mga photo at impormasyong pipiliin mong idagdag sa profile mo; siguraduhing sumusunod ang mga ito sa aming Terms of Use, Community Guidelines, at mga lokal na batas.

Tandaan din:

• Eligibility: Kung wala kang sapat na photos, maaaring hindi maging available ang photo at iba pang suggestions. Kung pinili mong sumailalim sa pag-scan ng camera roll pero wala kang sapat na mga photo, pana-panahon naming susuriin ang camera roll mo para sa mga bagong photo upang matukoy kung may sapat kang mga photo para maging kwalipikado. Kung sine-set up mo ang profile mo habang nagsa-sign up at wala kang sapat na mga photo, pwede mo pa ring mano-manong buuin ang profile mo.
• Scanning Continuity: Kung maputol, ipagpapatuloy ang pag-scan sa susunod na pagbukas ng app hanggang sa makumpleto ito.
• Rescanning: Kung piliin mong i-rescan ang iyong camera roll, ang mga dating suggestion ay mapapalitan ng mga bago mula sa latest scan.

Pag-opt out o pagbubura ng data

Ikaw ang may kontrol sa kung ano ang makikita sa profile mo. Pwede mo ring piliin na hindi sumailalim sa pag-scan ng camera roll.

• Suggested Photos: Ang mga suggested photo lang na pipiliin mo ang idadagdag sa profile mo. Pwede mong alisin anumang oras ang suggested photos sa Edit Profile settings mo.
• Camera Roll Permissions: Pwede mong i-adjust o tanggalin ang camera roll access anumang oras sa pamamagitan ng system settings ng device mo.
• Habang nagsa-sign up: Pwede mong i-skip na lang ang pag-scan ng camera roll, o piliing hindi gumamit ng anumang suggested photo, bio at prompt topic, interest, o iba pang profile suggestion.
• Pagkatapos mag-sign up: Pwede mong alisin anumang oras ang mga suggested photo, interest, bio, o prompt sa I-edit ang Profile settings mo.

Karagdagang tulong

Kung kailangan mo ng karagdagang tulong,kontakin kami nang may iba pang details at handa kaming tumulong.

Puntahan ang aming Privacy Policy para malaman ang iba pa tungkol sa aming privacy practices at Ang Mga Karapatan Mo. Pwede mo ring malaman kung paano mag-request ng kopya ng iyong data.